'इंद्रायणी' मालिकेत 'कलर्स मराठी'चा जुना लोकप्रिय चेहरा झळकणार, साकारणार मोठ्या गोपाळची भूमिका

'इंद्रायणी' मालिकेत मोठा गोपाळ साकारणार अभिनेता कोण आहे? जाणून घ्या...

Swamini fame Chinmay Patwardhan play gopal role in indrayani marathi serial ent disc news

'इंद्रायणी' मालिका ( फोटो सौजन्य - ग्राफिक्स टीम )

Indrayani Serial: ‘कलर्स मराठी’ वाहिनीवरील ‘इंद्रायणी’ मालिकेचा १० मार्चपासून नवा अध्याय सुरू होणार आहे. निरागस, निष्पाप, गोड, सालस, अवखळ अशा छोट्या इंदूचा प्रवास संपणार असून आता मोठी इंदू नव्या आव्हानांना सामोरे जाताना दिसणार आहे. अभिनेत्री कांची शिंदे मोठ्या इंद्रायणीच्या भूमिकेत पाहायला मिळणार आहे. तसंच मोठ्या गोपाळच्या भूमिकेत ‘कलर्स मराठी’चा जुना लोकप्रिय चेहरा झळकणार आहे. तो कोण आहे? जाणून घ्या…

‘इंद्रायणी’ मालिका ही ‘कलर्स मराठी’ वाहिनीवरील सध्याच्या लोकप्रिय मालिकांपैकी एक आहे. या मालिकेतील चिमुकल्या इंदूने प्रेक्षकांच्या मनात एक वेगळं स्थान निर्माण केलं आहे. बालकलाकार सांची भोईरने आपल्या सहजसुंदर अभिनयाने छोटी इंदू साकारली होती. पण, आता लवकरच मोठी इंदू प्रेक्षकांच्या भेटीस येत आहे. ‘पिरतीचा वनवा उरी पेटला’ या लोकप्रिय मालिकेत झळकलेली कांची शिंदे मोठ्या इंदूच्या भूमिका साकारणार आहे. तर मोठ्या अधूच्या भूमिकेत अभिनेता निशांत पवार दिसणार आहे. तसंच मोठ्या गोपाळच्या भूमिकेत ‘कलर्स मराठी’ची जुनी मालिका ‘स्वामिनी’मधील अभिनेता पाहायला मिळणार आहे.

२०१९मध्ये रमाबाई आणि माधवराव पेशवे यांच्यावर आधारित असलेली ‘स्वामिनी’ मालिका आली होती. या मालिकेत सृष्टी पगारे, ऐश्वर्या नारकर, रेवती लेले, अमोल बावडेकर, सुरभी भावे, नीना कुळकर्णी, अभिषेक रहाळकर, अनिल गवस, उमा पेंढारकर असे अनेक तगडे कलाकार मंडळी पाहायला मिळाले होते. याच मालिकेत माधवरावांची भूमिका साकारणारा अभिनेता चिन्मय पटवर्धन आता ‘इंद्रायणी’ मालिकेत झळकणार आहे. मोठ्या गोपाळची भूमिका चिन्मय साकारणार आहे.

हेही वाचा

IND vs NZ: रोहित शर्माने टॉस गमावल्यानंतर मराठी अभिनेत्याची पोस्ट, व्हिडीओ शेअर करत म्हणाला, “परंपरा, प्रतिष्ठा…”

View this post on Instagram

A post shared by Colors Marathi (@colorsmarathi)

View this post on Instagram

A post shared by Colors Marathi (@colorsmarathi)
This quiz is AI-generated and for edutainment purposes only.

हेही वाचा

Video: ‘झी मराठी’वरील नायिका खलनायिकांच्या दृष्ट प्रवृत्तीची होळी पेटवणार? पाहा महासंगमचा नवा जबरदस्त प्रोमो

दरम्यान, चिन्मय पटवर्धनच्या कामाबद्दल बोलायचं झालं तर, त्याने ‘स्वामिनी’ मालिकेनंतर बऱ्याच नाटकात, शॉर्ट फिल्म्स विविधांगी भूमिका निभावल्या. सध्या त्याचं ‘मी Vs मी’ नाटक रंगभूमी गाजवत आहे. या नाटकात चिन्मयसह क्षितिज दाते, शिल्पा तुळसकर, महेश सुभेदार, दिनेश सिंह आणि हृषिकेश जोशी महत्त्वाच्या भूमिकेत आहेत.

Web Title: Swamini fame chinmay patwardhan play gopal role in indrayani marathi serial ent disc news pps

‘इंद्रायणी’ मालिकेत ‘कलर्स मराठी’चा जुना लोकप्रिय चेहरा झळकणार, साकारणार मोठ्या गोपाळची भूमिका

'इंद्रायणी' मालिकेत मोठा गोपाळ साकारणार अभिनेता कोण आहे? जाणून घ्या...