scorecardresearch

Premium

‘वीर सावरकर : सिक्रेट फाइल्स’ वेब सीरिजची घोषणा; मराठमोळा अभिनेता साकारणार भूमिका, पोस्टर शेअर करीत म्हणाला…

‘वीर सावरकर : सिक्रेट फाइल्स’ ही हिंदी वेब सीरिज २६ फेब्रुवारी २०२४ मध्ये येणार प्रेक्षकांच्या भेटीला…

veer savarkar new webseries
'वीर सावरकर : सिक्रेट फाइल्स' ही हिंदी वेब सीरिज २६ फेब्रुवारी २०२४ मध्ये येणार प्रेक्षकांच्या भेटीला… ( फोटो : लोकसत्ता ग्राफिक्स टीम )

स्वातंत्र्यवीर विनायक दामोदर सावरकर यांच्या जीवनावर आधारित ‘वीर सावरकर : सिक्रेट फाइल्स’ ही हिंदी वेब सीरिज लवकरच छोट्या पडद्यावर येणार आहे. . या वेब सीरिजचे पोस्टर आणि दोन टीझर प्रदर्शित करण्यात आले असून यामध्ये मराठमोळा अभिनेता सौरभ गोखले वीर सावरकरांची भूमिका साकारणार असून याबाबत त्याने इन्स्टाग्राम पोस्ट शेअर करीत माहिती दिली आहे.

हेही वाचा : IPL 2023 चे विजेतेपद कोणता संघ जिंकेल? उर्वशी रौतेला म्हणाली…

virat kohli
विराट कोहलीची विश्वचषकातून माघार? तातडीने मुंबईला रवाना झाल्याने चर्चांना उधाण
kitchen tips in marathi how to make roti with tea strainer kitchen jugaad video viral
Kitchen Jugaad: चपातीवर चहाची गाळणी नक्की फिरवा; अशी कमाल होईल की तुम्ही विचारही केला नसेल, काय ते VIDEO मध्ये पाहा
Sharad Pawar NCP
“ते सहसा माझ्या शब्दाला नकार देत नाहीत”; शरद पवारांच्या वक्तव्याची जोरदार चर्चा, म्हणाले…
hunger strike, Rohit Patil, Health deteriorated, sangli
उपोषण सुरु करताच रोहित पाटलांची प्रकृती खालावली

वीर सावरकरांची भूमिका साकारताना आलेल्या अनुभवाविषयी सौरभ म्हणाला, “कोणत्याही कलाकाराला ऐतिहासिक भूमिका साकारायला मिळणे हे त्याचे भाग्य असते. आधी छत्रपती शिवाजी महाराज आणि आता स्वातंत्र्यवीर सावरकरांची भूमिका करण्याची मला संधी मिळाली आहे. वीर सावरकरांचे साहित्य वाचून, त्यांचा अभ्यास करून चांगल्या पद्धतीने ही भूमिका साकारण्याचा माझा प्रयत्न असणार आहे.”

हेही वाचा : ‘आदिपुरुष’ चित्रपटातील ‘जानकी’च्या भूमिकेबद्दल अभिनेत्री क्रिती सेनॉन म्हणाली, “कारकिर्दीत सहसा…”

‘वीर सावरकर : सिक्रेट फाइल्स’ या हिंदी वेब सीरिजचे पोस्टर सौरभने आपल्या इन्स्टाग्राम अकाऊंटवर शेअर केले आहे. या पोस्टरच्या कॅप्शनमध्ये सौरभ लिहितो की, “मी विनायक दामोदर सावरकर! तात्याराव सावरकर… हिंदुहृदयसम्राट सावरकर… स्वातंत्र्यवीर सावरकर… होय आणि माझ्या टीकाकारांच्या मते देशद्रोही सावरकर… देशद्रोही आणि सावरकर? मी माझ्याबद्दल फार बोललो नाही…काळ खूप वेगाने पुढे सरकत आहे… इतिहास नाहीसा होतो मग विनायक दामोदरसारख्या सामान्य माणसाची गोष्ट कोण लक्षात ठेवील? पण कथा कोणा एका विशिष्ट व्यक्तीची नाही.. ती व्यक्ती घडवणाऱ्या सामान्य-असामान्य लोकांची आहे! तो ज्या मातीत जन्मला, जिथे तो वाढला, त्याचा इतिहास म्हणजे त्याची कहाणी. माझी गोष्ट सांगायच्या आधी मनात विचारांचे वादळ उठले… माझ्या आयुष्याबद्दल कसं सांगू? मी काय सांगावं ? आणि आणखी…’वीर सावरकर : सिक्रेट फाइल्स’…लवकरच”

हेही वाचा : “अधुरा था मैं, अब पुरा हुआ…” कार्तिक-कियाराच्या केमिस्ट्रीने वेधलं लक्ष, ‘सत्यप्रेम की कथा’मधील पहिले गाणे रिलीज

‘वीर सावरकर : सिक्रेट फाइल्स’ या हिंदी वेब सीरिजचे लेखन आणि दिग्दर्शन योगेश सोमण करणार असून याची निर्मिती डॉ. अनिरबन सरकार करणार आहेत. ही सीरिज तीन भागांमध्ये प्रदर्शित केली जाणार आहे. या वेब सीरिजच्या माध्यमातून वीर सावरकरांचे विचार, शौर्य, बलिदान आजच्या नव्या पिढीसमोर आणण्याचा प्रयत्न असेल, असे निर्मात्यांनी सांगितले आहे. ‘वीर सावरकर : सिक्रेट फाइल्स’ ही वेब सीरिज पुढच्या वर्षी २६ फेब्रुवारीला वीर सावरकरांच्या पुण्यतिथीला प्रदर्शित केली जाणार आहे.

Latest Comment
View All Comments
Post Comment

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Veer savarkar secret files new hindi webseries announcement this marathi actor will play main role sva 00

संबंधित बातम्या

तुम्ही या बातम्या वाचल्या आहेत का? ×