यूट्यूबर अरमान मलिक गेले काही दिवस त्याच्या वैयक्तिक आयुष्यामुळे चांगलाच चर्चेत आहे. त्याच्या दोन्ही पत्नी एकाच वेळी गरोदर आहेत. यामुळे त्याच्यावर जोरदार टीकाही करण्यात आली होती. तर आता नुकतंच या दोघींचं डोहाळे जेवण पार पडलं आहे.
अरमान मलिक सोशल मीडियावर सक्रिय राहून त्याच्या आयुष्यात घडणाऱ्या महत्त्वाच्या घडामोडी चाहत्यांचे शेअर करत असतो. तर काही दिवसांपूर्वी त्याने त्याच्या दोन्ही पत्नी एकाच वेळी गरोदर असल्याची बातमी सोशल मीडियावर एक फोटो पोस्ट करत सांगितली. या बातमीमुळे तो चांगलाच चर्चेत आला होता. नेटकऱ्यांनी त्याच्यावर जोरदार टीकाही केली. तर आता या दोघींचा डोहाळे जेवण साजरं केल्याची एक पोस्ट त्याने शेअर केली.
आणखी वाचा : “पैसा यांना काय काय करायला लावतो…” ‘त्या’ व्हायरल व्हिडीओमुळे सलमान खान व अक्षय कुमार ट्रोल
अरमान मलिकच्या पत्नी कृतिका मलिक आणि पायल मलिक यांचं डोहाळे जेवण नुकतंच धुमधडाक्यात पार पडलं. यावेळी त्या दोघींनी पर्पल रंगाचा एकसारखा दिसणारा ड्रेस घातला होता. त्याचप्रमाणे यावर परिधान केलेली ज्वेलरी देखील एक सारखीच होती. अरमानने सोशल मीडियावरून डोहाळे जेवणाचे काही फोटो शेअर केले आहेत. यात अरमान दोन्ही पत्नींबरोबर पोज देताना दिसत आहे. हे फोटो पोस्ट करत त्याने लिहिलं, “लवकरच आमचं कुटुंब पूर्ण होणार आहे.”
हेही वाचा : प्रसिद्ध यूट्यूबरच्या दोन्ही बायका एकाच वेळी प्रेग्नंट; सोशल मीडियावर उठली टीकेची झोड
त्याने शेअर केलेले हे फोटो सध्या सोशल मीडियावर चांगलेच व्हायरल होत आहेत. यावर नेटकऱ्यांनी विविध प्रतिक्रिया द्यायला सुरुवात केली आहे. तर आता या फोटोंमुळे तो पुन्हा एकदा ट्रोल होऊ लागला आहे.
