‘देवमाणूस २’ च्या पहिल्या एपिसोडचा मुहूर्त ठरला, १ तासाच्या विशेष भागाने होणार सुरुवात

झी मराठीने नुकतंच याबाबतचा एक प्रोमो शेअर केला आहे. या प्रोमोत ‘देवमाणूस’मधील डॉ. अजित कुमारचे पुतळा पाहायला मिळत आहे. यानंतर काही सेकेंदात देवमाणूस महाआरंभ एक तासाचा विशेष भाग असे लिहिलेले दिसत आहे. या व्हिडीओला झी मराठीने हटके कॅप्शन दिले आहे.

“जिथे तिथे देवमाणसाचा पुतळा, नक्की भानगड काय ?नवी मालिका ‘देवमाणूस २’ महारंभ होतोय एक तासाच्या विशेष भागाने १९ डिसेंबरला, रविवारी रात्री. ९ वा आणि २० डिसेंबरपासून सोम ते शनि रात्री. १०:३० वा,” अशा आशयाचे खास कॅप्शन देण्यात आले. या कॅप्शनच्या माध्यमातून झी मराठीने देवमाणूस २ या मालिकेला १९ डिसेंबरपासून एक तासाच्या विशेष भागाने सुरुवात होत आहे, असे सांगितले आहे. तर सोमवारी २० डिसेंबरपासून रात्री १०.३० वाजता ही मालिका प्रेक्षकांच्या भेटीला येणार आहे.

हेही वाचा : ‘देवमाणूस’ मालिकेतील कलाकाराने दिली प्रेमाची कबुली, व्हिडीओ व्हायरल

दरम्यान या मालिकेचा टीझरवरुन प्रेक्षकांमध्ये या नवीन भागाबद्दल पुन्हा एकदा चर्चा सुरु झाली आहे. या मालिकेच्या नवीन पर्वात नेमकं काय बघायला मिळणार याची उत्सुकता अनेकांमध्ये पाहायला मिळत आहे. सध्या झी मराठीवर सुरु असलेली ‘ती परत आलीये’ ही मालिका प्रेक्षकांचा निरोप घेणार आहे. त्याजागी ‘देवमाणूस २’ मालिका प्रेक्षकांचं मनोरंजन करण्यासाठी सज्ज होणार आहे. पण या सिझनमध्ये कोणते कलाकार दिसणार हे अद्याप समोर आलेले नाही.