कुर्ला-टिळकनगर स्थानकादरम्यानच्या तांत्रिक बिघाडामुळे हार्बर मार्गावरील रेल्वे वाहतूक विस्कळीत झाली आहे. सूत्रांकडून मिळालेल्या माहितीनुसार, या मार्गावरील गाड्या १५ ते २० मिनिटे उशिरा धावत आहेत. यापूर्वी शुक्रवारी देखील हार्बर मार्गावर वाहतूक विस्कळीत झाली होती. कुर्ला- टिळकनगरदरम्यान मालगाडी बंद झाल्याने मुंबईहून पनवेलकडे जाणारी वाहतूक ठप्प झाली होती. त्यामुळे सलग दुसऱ्या दिवशीही या मार्गावरील प्रवाशांना हाल सहन करावे लागत आहेत. शुक्रवारी कल्याणजवळ मंगला एक्स्प्रेसचे इंजिन घसरल्याची घटना घडली होती. परिणामी मध्ये रेल्वेची वाहतूक कोलमडल्याचेे पाहायला मिळाले. त्यानंतर आता हार्बलची रेल्वे सेवा रखडली आहे.
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on July 1, 2017 1:05 pm
