25 January 2021

News Flash

महाड दुर्घटना: केवळ गुन्हे दाखल करून चालणार नाही, कडक कारवाई करा – फडणवीस

जीवाची बाजी लावून बचाव कार्य करणाऱ्या एनडीआरएफच्या जवानांचे केले कौतुक

संग्रहित छायाचित्र

महाड इमारत दुर्घटनेप्रकरणी केवळ गुन्हे दाखल करुन चालणार नाही. तर संबधितांवर कडक कारवाई करण्यात यावी, अशी मागणी विरोधीपक्ष नेते देवेंद्र फडणवीस यांनी केली आहे. या घटनेप्रसंगी जीवाची बाजी लावून काम करणाऱ्या एनडीआरएफच्या जवानांचे त्यांनी कौतुक केले.

फडणवीस म्हणाले, “सात-आठ वर्षांपूर्वी तयार झालेली इमारत कोसळते आणि १२ जणांचे मृत्यू होतात, हे गंभीर आहे. या इमारतीच्या निर्माण परवानगी प्रक्रियेतील सर्वांची सखोल चौकशी करून त्यांची जबाबदारी निश्चित केली पाहिजे. केवळ गुन्हे दाखल करून चालणार नाही, तर त्यांना कठोर शासन होईल, हे राज्य सरकारने सुनिश्चित करावे”

रायगड जिल्ह्यातील महाड येथे इमारत कोसळून झालेल्या दुर्घटनेतील एनडीआरएफच्या जवानांनी न थकता केलेल्या प्रयत्नांना सलाम. त्यामुळे अनेक प्राण वाचू शकले. या घटनेत जे लोक मृत्यूमुखी पडले, त्यांच्या कुटुंबियांच्या दु:खात आपण सहभागी आहोत. जखमींना लवकर आराम पडो, अशी प्रार्थना करतो, अशा शब्दांत फडणवीस यांनी एनडीआरएफच्या जवानांचे कौतुक केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 25, 2020 10:11 pm

Web Title: not ok only by filing a case fadnavis demands strict action about mahad tragedy aau 85
Next Stories
1 पतीच्या संपत्तीवर पहिल्या पत्नीचाच हक्क, मुंबई उच्च न्यायालयाचा महत्त्वाचा निकाल
2 मोदींनी मुंबई IIT च्या नव्या शोधाचं केलं कौतुक, म्हणाले…
3 गणेशमूर्तीच्या संख्येत घट
Just Now!
X