मुंबईःअश्लील चित्रफीत दाखवून अल्पवयीन मुलावर अत्याचार करणारा अटकेत

हेही वाचा >>>मुंबई: गोवर विशेष लसीकरण :पहिल्या टप्प्यात राज्यातील एक लाख बालकांचे लसीकरण

पीडित मुलगा साडेतीन वर्षांचा आहे. तसेच पाच ते सात वयोगटातील मुलींसोबतही आरोपीने अश्लील प्रकार केल्याचा संशय आहे, याबाबत पोलीस तपास करीत आहेत. एका पीडित मुलीच्या आईच्या तक्रारीवरून याप्रकरणी ॲटॉप हिल पोलिसांनी बलात्कार, लैंगिक अत्याचार, बाल लैंगिक अत्याचार प्रतिबंधक कायदा व माहिती तंत्रज्ञान प्रतिबंधक कायद्याअंतर्गत गुन्हा दाखल केला आहे. ही घटना २५ डिसेंबर रोजी घडली. पीडित मुले परिसरात खेळत असताना आरोपीने खेळण्याच्या बहाण्याने त्यांना घरी बोलवले. त्यानंतर त्यांना अश्लील चित्रफीत दाखवून वारंवार त्यांच्यावर अत्याचार केला. या प्रकरामुळे मुले घाबरली होती. हा प्रकार कोणालाही सांगितल्यास बघून घेईन अशी धमकी त्याने मुलांना दिली होती. हा प्रकार पीडित मुलांच्या कुटुंबियांना समजल्यानंतर त्यांनी याप्रकरणी सोमवारी पोलिसांकडे तक्रार केली. त्यानुसार पोलिसांनी या परिसरात शोध घेऊन आरोपीला सोमवारी अटक केली.