scorecardresearch

मुंबईतील नाल्यामध्ये पोत्यात हातपाय बांधलेल्या अवस्थेत आढळला महिलेचा मृतदेह

मृतदेह नाल्यातून बाहेर काढण्यासाठी पोलिसांनी अग्निशमन दलाच्या कर्मचाऱ्यांची मदत घेतली.

मुंबईतील नाल्यामध्ये पोत्यात हातपाय बांधलेल्या अवस्थेत आढळला महिलेचा मृतदेह
(संग्रहीत छायाचित्र)

मुंबईतील कुर्ला भागात एक अतिशय खळबळजनक घटना उघडकीस आली आहे. या ठिकाणी एका नाल्यामध्ये एका पोत्यात महिलेचा मृतदेह आढळून आला आहे. या महिलेचे हात आणि पाय दोरीने करकचून बांधलेले होते.

महिलेचा मृतदेह नाल्यातून बाहेर काढण्यासाठी पोलिसांनी अग्निशमन दलाच्या कर्मचाऱ्यांची मदत घेतली. या महिलेचा खून करून नंतर तिचा मृतदेह नाल्यात फेकला असल्याचा प्राथमिक अंदाज पोलिसांनी वर्तवला आहे.

घटेनेबाबत माहिती मिळाताच पोलिसांनी घटनास्थळी धाव घेत महिलेचा मृतदेह ताब्यात घेतला आणि शवविच्छेदनासाठी तो पुढे पाठवला आहे. या प्रकरणी पोलिसांनी गुन्हा दाखल केला असून पुढील तपास सुरू आहे.


मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

संबंधित बातम्या