लोकसत्ता खास प्रतिनिधी
मुंबईः प्रसिद्ध अभिनेत्री व मॉडेलने वित्तपुरवठादाराने विनयभंग केल्याची तसेच जीवे मारण्याची धमकी दिल्याची तक्रार मुंबई पोलिसांकडे केली आहे. याप्रकरणी जुहू पोलिसांनी वित्तपुरवठादाराविरोधात गुन्हा दाखल केला आहे. याप्रकरणी अधिक तपास सुरू असल्याचे पोलिसांनी सांगितले.
तक्रारदार अभिनेत्रीच्या जुहू येथील घरी हा प्रकार घडला. तक्रारीनुसार अभिनेती तिच्या राहत्या घरी असताना गुरूवारी आरोपी सुनील पारसमणी लोढा तिच्या घरी गेला. त्याने चित्रफीत चित्रीकरणारासाठी अभिनेत्रीला काही रक्कम दिली. त्यानंतर त्याने अभिनेत्रीला स्पर्श करण्यास सुरूवात केली. अभिनेत्रीने विरोध केला असता त्याने रागाच्या भरात तिला शिवीगाळ केली. तसेच जीवे मारण्याची धमकी दिली, असा आरोप तक्रारीत करण्यात आला आहे. त्यानंतर अभिनेत्रीने जुहू पोलिसांकडे याबाबत तक्रार केली. तक्रारीनुसार जुहू पोलिसांनी भादंविअंतर्गत विनयभंग, धमकावल्याप्रकरणी गुन्हा दाखल केला आहे. याप्रकरणी जुहू पोलीस अधिक तपास करत आहेत.
