scorecardresearch

नियमभंग केल्यास विकासकावर गुन्हा; प्रदूषणप्रकरणी विलेपार्ले येथील प्रकल्पावर कारवाई  

विलेपार्ले भागात पहिला गुन्हा महापालिकेच्या के पश्चिम विभागाने सोमवारी दाखल केला.

fir against builders if violating bmc guidelines to control air pollution
(संग्रहित छायाचित्र)

मुंबई : मुंबईतील वायू प्रदुषण नियंत्रणासाठी महानगरपालिकेने लागू केलेल्या नियमांचे उल्लंघन करणाऱ्या बांधकामांवर गुन्हे दाखल करण्यात येणार आहेत. दरम्यान, विलेपार्ले भागात पहिला गुन्हा महापालिकेच्या के पश्चिम विभागाने सोमवारी दाखल केला.

पालिकेच्या प्रदूषण नियंत्रण नियमावलीला फारसे गांभीर्याने घेतले जात नसल्याचे आढळल्यामुळे पालिका मुख्यालयात मुंबईतील सर्व प्राधिकरणांच्या प्रतिनिधींची बैठक घेण्यात आली. यावेळी प्राधिकरणांना नियमावलीचे पालन करण्याचा इशारा पुन्हा देण्यात आला. नियमोल्लंघनाचे गुन्हे दाखल करताना बांधकाम कोणत्या प्राधिकरणाच्या हद्दीत आहे याचा विचार न करता सरळ गुन्हे दाखल करावेत असेही निर्देश देण्यात आले आहेत. आतापर्यंत नियम धुडकावणाऱ्या ३४४ बांधकामांना अशा नोटीसा जारी करण्यात आल्याचेही यावेळी सांगण्यात आले.

affected farmers of Ambuja came down from the tower
अखेर १६ तासानंतर अंबुजाचे प्रकल्पग्रस्त शेतकरी टॉवर वरून खाली उतरले; जिल्हा प्रशासनाकडून ९ ऑक्टोबरला ठोस निर्णय घेण्याचे आश्वासन
Mumbai Parbandar Project
मुंबई पारबंदर प्रकल्प : सागरी सेतूचे संचालन; देखभालीसाठी लवकरच आंतरराष्ट्रीय कंत्राटदाराची नियुक्ती
Illegal hoardings, Special Campaign by BMC, BMC Commissioner iqbal singh chahal, BMC on illegal hoardings, illegal hoardings removed by Mumbai Municipal Corporation
प्रशासकीय कारभारात प्रकल्पांचे खर्च दुप्पट; मुंबई महापालिकेच्या कामकाजावर संशय
Koradi Thermal Power Plant
नागपूर : कोराडी औष्णिक वीज प्रकल्प विस्तारीकरणावर उच्च न्यायालयाची केंद्र व राज्य सरकारला नोटीस

हेही वाचा >>> म्हाडाची १२ हजारांहून अधिक घरे पडून; विक्रीसाठी खासगी संस्थांची मदत, किमती कमी करण्याचाही पर्याय

सर्व सरकारी प्राधिकरणांनीही स्वत:ची भरारी पथके स्थापन करावीत, बांधकामांची पाहणी करून नियमावलीचे पालन होत नसल्यास काम थांबवण्याची नोटीस द्यावी, असे निर्देशही या बैठकीत देण्यात आले. सर्व प्राधिकरणांनी नियमावलीचे पालन करण्याचे आश्वासन दिले असले तरी मेट्रोच्या बांधकामाच्या ठिकाणी नियम पाळणे शक्य नसल्याचे ‘एमएमआरडीए’ने म्हटले आहे. मेट्रोची सगळी बांधकामे हे रस्त्यावरच सुरू आहेत. त्यामुळे तेथे उंच पत्रे लावणे शक्य नसल्याचे ‘एमएमआरडीए’च्या प्रतिनिधींनी सांगितल्याची माहिती सूत्रांनी दिली.

काय घडले?

काम थांबवण्याची नोटीस देऊनही नियमांचे पालन केले नसल्याने विलेपार्लेतील  ‘भारत रिएल्टी व्हेन्चर्स’च्या खासगी पुनर्विकास प्रकल्पाविरोधात सांताक्रूझ पोलीस ठाण्यात गुन्हा दाखल करण्यात आल्याची माहिती उपायुक्त विश्वास शंकरवार यांनी दिली. अशा स्वरुपाचा हा पहिलाच गुन्हा आहे. धुळीस अटकाव करण्यासाठी बांधकामाच्या ठिकाणी २५ फूट उंचीचा पत्रा लावण्याचा नियम असतानाही त्याचे पालन न करता बांधकाम सुरू होते.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Fir against builders if violating bmc guidelines to control air pollution zws

First published on: 21-11-2023 at 02:29 IST

संबंधित बातम्या

क्विझ ×