Maharashtra Rain Update : मुंबई, ठाण्यात येत्या दोन ते तीन दिवसांत पावसाचा जोर मंदावण्याची शक्यता

गेल्या २४ तासांत मुंबई, ठाण्यात पावसाचा जोर कमी झाला आहे. हवामान विभागाने दिलेल्या माहितीसुसार, मुंबई ठाण्यात गेल्या २४ तासांत हलका ते मध्यम स्वरूपाचा पाऊस झाला आहे. पुढील दोन ते तीन दिवस शहरात कोणताही गंभीर हवामान अपेक्षित नाही.

Light to mod rains in last 24 hrs in Mumbai Thane around.
Now partly cloudy sky, with light rains at isolated places.
As per the forecast, no severe weather expected in city for next 2,3 days.
But Interior Mah possibilities of rains in coming 4,5 days.
Watch for IMD updates pic.twitter.com/J01PixC028

— K S Hosalikar (@Hosalikar_KS) September 3, 2021

हवामान विभागाच्या अंदाजानुसार, सध्या शहरात अंशतः ढगाळ वातावरण राहील. तर अन्य काही ठिकाणी हलका पाऊस पडण्याची शक्यता आहे. तर, राज्याचा किनारपट्टीचा भाग वगळता मध्य महाराष्ट्र, मराठवाडा, विदर्भामध्ये पुढील चार ते पाच दिवसात पाऊस पडण्याची शक्यता हवामान विभागाकडून व्यक्त केली जात आहे.

दरम्यान, मराठवाडय़ासह नगर आणि उत्तर महाराष्ट्रातील काही भागांत मंगळवारी (३१ ऑगस्ट) हाहाकार उडवला होता. पुरात सात नागरिकांसह शेकडो जनावरे वाहून गेली. अतिवृष्टीमुळे शेतीचेही नुकसान झाले. तर अनेक ठिकाणी दरडी कोसळून वाहतूक ठप्प झाल्याने जनजीवन विस्कळीत झालं होतं. तर औरंगाबाद जिल्ह्य़ातील कन्नड तालुक्यात औट्रम घाटात दरडी कोसळल्याने औरंगाबाद-धुळे महामार्गावरील वाहतूक दुपापर्यंत ठप्प होती.मराठवाडय़ात ६७ महसूल मंडळात अतिवृष्टीची नोंद करण्यात आली आहे.