मुंबई : म्हाडा पुणे मंडळाची सोडत सोमवारी

पुणे मंडळाच्या सोडतीसाठीची सोडतपूर्व प्रक्रिया जानेवारीपासून सुरू होती. त्यानुसार ७ मार्च रोजी सोडत जाहीर होणार होती. मात्र अचानक ही सोडत पुढे ढकलण्यात आली. उपमुख्यमंत्री तथा गृहनिर्माण मंत्री देवेंद्र फडणवीस यांच्या हस्ते सोडत काढण्याचा अट्टाहास पुणे मंडळाचा होता. मात्र सोडतीसाठी फडणवीस यांची वेळ न मिळाल्याने पुणे मंडळाने अचानक सोडतच पुढे ढकलली. यासाठी मंडळाने कोणतेही कारण दिले नाही आणि अर्जदारांची सोडतीची प्रतीक्षा लांबली. आता अखेर फडणवीस यांची वेळ मिळाली असून मंडळाने सोडतीसाठी सोमवारचा मुहूर्त धरला आहे.

हेही वाचा – “आमच्या प्रिय देवेंद्रजींकडून हे अपेक्षित नाही”, राऊतांचं टीकास्र; अमृता फडणवीसांना धमकी प्रकरणावरूनही केलं लक्ष्य!

हेही वाचा – “महाराष्ट्रात मुख्यमंत्री नव्हे, मख्खमंत्री आहेत”, संजय राऊतांची खोचक टीका; म्हणाले, “ते फक्त ४० आमदारांना…!”

फडवणीस आपल्या दालनातून सोमवारी सकाळी ११ वाजता दूरदृश्य प्रणालीच्या माध्यमातून सोडतीला सुरुवात करणार आहेत. ही सोडत पुणे मंडळाच्या आगरकर नगर येथील गृहनिर्माण भवनात पार पडणार आहे.