जर्मनीला कुशल मनुष्यबळ पुरविण्यासाठी राज्य सरकारचा सामंजस्य करार

विज्ञान, तंत्रज्ञान, माहिती तंत्रज्ञान, अभियांत्रिकी, बांधकाम, ऊर्जा व पर्यावरण, आरोग्य, हॉटेल व्यवस्थापन अशा प्रमुख क्षेत्रांसाठी कुशल मनुष्यबळ पुरविण्यावर भर देण्यात येणार आहे. बाडेन बुटेनबर्ग या राज्याने नोंदविलेल्या मागणीच्या आधारे कुशल मनुष्यबळास  जर्मनीस पाठविण्यात येणार आहे.जर्मनी आणि महाराष्ट्र राज्य सरकार यांच्यात कुशल मनुष्यबळ पुरविण्यासाठी सामंजस्य करार करण्यात आला. यावेळी मुख्यमंत्री एकानाथ शिंदे, मंत्री दीपक केसरकर आणि बाडेन बुटेनबर्गचे प्रतिनिधी.

हेही वाचा >>>मुंबई : भाडे नाकारणाऱ्या रिक्षा चालकांविरोधात आंदोलन

विद्यार्थ्यांना शालेय स्तरापासून प्रशिक्षण

अतिरिक्त प्रशिक्षण, रोजगाराची हमी, देशांतराची प्रक्रिया, रहिवासाचा कालावधी आदींबाबत समिती नियमावली व मार्गदर्शक तत्त्वे निश्चित करेल. युरोपीयन देशांना त्यांच्या मागणीनुसार कुशल मनुष्यबळाचा पुरवठा करण्याचा उपक्रमाच्या अनुषंगाने दीर्घकालीन प्रयत्न आवश्यक असल्याने शालेय जीवनापासून विद्यार्थ्यांच्या जडण-घडणीवर लक्ष केंद्रित केले जाईल. त्यासाठी पारंपरिक शिक्षणाबरोबरच जर्मनी किंवा युरोपियन देशांना अपेक्षित तंत्रकौशल्य, व्यवसाय शिक्षण, जर्मन व अन्य भाषा प्रशिक्षण विद्यार्थ्यांना शालेय स्तरापासून दिले जाईल, असे शालेय शिक्षण मंत्री दीपक केसरकर यांनी यावेळी सांगितले.