scorecardresearch

Premium

कदम-कीर्तिकरांचे परस्परांवर गद्दारीचे आरोप; पक्षांतर्गत बेदिलीने मुख्यमंत्र्यांची डोकेदुखी वाढली..

मुलाच्या फायद्यासाठी खासदार गजानन कीर्तिकर हे पक्षाशी गद्दारी करीत असल्याचा थेट आरोप शिंदे गटाचे नेते रामदास कदम यांनी करताच कदम यांच्या गद्दारीचा इतिहास फार मोठा आहे, असे प्रत्युत्तर कीर्तिकर यांनी दिले आहे.

MP Gajanan Kirtikar Ramdas Kadam accuses each other of betrayal Mumbai
कदम-कीर्तिकरांचे परस्परांवर गद्दारीचे आरोप; पक्षांतर्गत बेदिलीने मुख्यमंत्र्यांची डोकेदुखी वाढली..

मुंबई : मुलाच्या फायद्यासाठी खासदार गजानन कीर्तिकर हे पक्षाशी गद्दारी करीत असल्याचा थेट आरोप शिंदे गटाचे नेते रामदास कदम यांनी करताच कदम यांच्या गद्दारीचा इतिहास फार मोठा आहे, असे प्रत्युत्तर कीर्तिकर यांनी दिले आहे. या दोन नेत्यांमधील वादामुळे मुख्यमंत्री एकनाथ शिंदे यांची डोकेदुखी वाढली आहे.

 मुंबई उत्तर-पश्चिम लोकसभा मतदारसंघाचे शिंदे गटाचे खासदार गजानन कीर्तिकर यांनी काही दिवसांपूर्वी आपण आता थकलो असून, आगामी लोकसभा निवडणूक लढणार नाही, असे वक्तव्य केले होते. ‘‘कीर्तिकर आगामी लोकसभा लढविणार नसतील तर माझे दुसरे चिरंजीव सिद्धेश कदम हे या मतदारसंघातून निवडणूक लढविण्यास तयार आहेत’’, असे रामदास कदम यांनी जाहीर करून टाकले. त्यानंतर कीर्तिकर यांनी आपण मानसिक व शारीरिकदृष्टया तंदुरुस्त असून आगामी निवडणूक लढविणार असल्याचे स्पष्ट केले. कीर्तिकर यांचे पुत्र अमोल हे शिवसेनेच्या ठाकरे गटात आहेत. यावरून रामदास कदम यांनी पुन्हा कीर्तिकर यांना लक्ष्य केले. कीर्तिकर पिता-पुत्र एकाच कार्यालयात बसून काम करतात. कीर्तिकर हे पक्षाशी गद्दारी करीत असल्याचा आरोप कदम यांनी केला. मुलाला निवडून आणण्याचे त्यांचे सारे प्रयत्न सुरू आहेत, असाही कदम यांचा सूर होता.

Vijay Wadettiwar slams bjp leader chandrashekhar bawankule
‘छोटे पक्ष संपवा’, चंद्रशेखर बावनकुळेंच्या विधानावर विजय वडेट्टीवारांची टीका; म्हणाले, “खून करण्याचे..”
tejashwi yadav janvishvas yatra
दहा दिवस अन् ३३ जिल्हे! NDA ला रोखण्यासाठी RJD ची ‘जनविश्वास यात्रा’; तेजस्वी यादव यांना यश येणार का?
tasgaon rr patil latest news in marathi, rr patil marathi news, rr patil loksabha election marathi news
तासगावमध्ये आर.आर.आबांच्या वारसदारांपुढे आव्हान
Amar Rajurkar slams Congress committee
Ashok Chavan : “अध्यक्षांच्या पुढे पुढे करणाऱ्या त्या लोकांमुळे…” चव्हाणांचे निकटवर्तीय राजूरकर यांचे आरोप

हेही वाचा >>>मंत्रालयासमोर गगनचुंबी इमारत बांधण्याचा प्रस्ताव; ‘मेट्रो’चा आर्थिक भार कमी करण्यासाठी योजना

कदम यांच्या आरोपांना कीर्तिकर यांनी पत्रकाद्वारे प्रत्युत्तर दिले. कदम यांनी आपल्यावर गद्दारीचा संशय व्यक्त केला आहे, मात्र कदमांचा गद्दारीचा इतिहास जुना असून त्यांनी यापूर्वी १९९० मध्ये आपल्या पराभवासाठी अनेक प्रयत्न केले होते. कदम यांनी आपल्या भावाच्या पराभवासाठी कार्यकर्त्यांना दमबाजी केली होती. राष्ट्रवादीमध्ये प्रवेश करण्यासाठी त्यांनी शरद पवारांबरोबर खेड- पुणे केलेला प्रवास सर्व शिवसैनिकांना माहीत असल्याचा टोला कीर्तिकर यांनी लगावला आहे. त्यामुळे कदम यांनी गद्दारीबद्दल बोलू नये, असे कीर्तिकर यांनी या पत्रकात म्हटले आहे.

  शिवसेनेत फूट पडल्यापासून नेतेमंडळींना आपल्या गटात सहभागी करून घेण्यासाठी मुख्यमंत्री शिंदे यांना अनेक वेळा मिनतवाऱ्या कराव्या लागल्या. मुंबईत ठाकरे गटाला शह देण्याचा शिंदे यांचा प्रयत्न सुरू असतानाच रामदास कदम आणि कीर्तिकर या दोन्ही वृद्धत्वाकडे वळलेल्या आणि जनाधार गमाविलेल्या नेत्यांमध्येच जुंपली आहे. या वादावर तोडगा काढण्याचे प्रयत्न शिंदे यांना करावे लागणार आहेत. अन्यथा दोघांपैकी एक नेता परत ठाकरे गटाकडे जाण्याची शक्यता वर्तविली जाते.

रामदास कदम हे अनेक वर्षे आमदार होते. मंत्रिपद, विरोधी पक्षनेतेपद भूषविले आहे. त्यांचे पुत्र आमदार आहेत. आता दुसऱ्या पुत्राला खासदारकीचे वेध लागले आहेत. सारी पदे नेतेमंडळींच्या घरातच वाटायची का, असा सवाल शिंदे गटाचे कार्यकर्ते करू लागले आहेत.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mp gajanan kirtikar ramdas kadam accuses each other of betrayal mumbai amy

First published on: 12-11-2023 at 04:56 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×