मुंबई : मध्य रेल्वेवरील रेल्वे रूळ, ओव्हर हेड वायर, सिग्नल यंत्रणेच्या देखभाल-दुरुस्तीसाठी आणि इतर अभियांत्रिकी कामे करण्यासाठी रविवारी मेगाब्लॉक घेण्यात येणार आहे. मध्य रेल्वेच्या मुख्य मार्गिकेवरील सीएसएमटी – विद्याविहार, हार्बर मार्गावर ब्लॉक असेल. यासह मुख्य, हार्बर मार्गावरील ब्लाॅक कालावधीत कुर्ला – पनवेलदरम्यान विशेष लोकल चालवण्यात येणार आहे. तसेच हार्बर मार्गावरील प्रवाशांना सकाळी १० ते सायंकाळी ६ वाजेपर्यंत मध्य आणि पश्चिम रेल्वेवरून प्रवास करण्याची मुभा देण्यात आली आहे, अशी माहिती मध्य रेल्वेच्या अधिकाऱ्यांनी दिली. पश्चिम रेल्वेवरील गोरेगाव – सांताक्रूझदरम्यान पाचव्या आणि सहाव्या मार्गिकेवर शनिवारी रात्रकालीन ब्लॉक घेण्यात येणार आहे, अशी माहिती पश्चिम रेल्वेच्या अधिकाऱ्यांनी दिली.
हेही वाचा >>> वसई-विरारसाठी ‘सूर्या’चे १८५ दशलक्ष लिटर पाणी; ‘एमएमआरडीए’च्या निर्णयामुळे दिलासा
मध्य रेल्वे
मुख्य मार्ग
कधी : सीएसएमटी – विद्याविहार अप आणि डाऊन धीम्या मार्गावर
कुठे : रविवारी सकाळी १०.५५ ते दुपारी ३.५५ वाजेपर्यंत
परिणाम : सीएसएमटी – विद्याविहार अप आणि डाऊन धीम्या मार्गावरील लोकल सेवा जलद मार्गावर वळवण्यात येईल. यावेळी सीएसएमटी – विद्याविहार अप आणि डाऊन लोकल भायखळा, परळ, दादर, माटुंगा, शीव, कुर्ला आणि त्यानंतर नियोजित स्थानकात थांबा घेतील.
हार्बर मार्ग
कुठे : सीएसएमटी – चुनाभट्टी / वांद्रे अप आणि डाऊन मार्गावर
कधी : रविवारी सकाळी ९.५३ ते सायंकाळी ५.१३ वाजेपर्यंत
परिणाम : ब्लॉक कालावधीत हार्बर मार्गावरील सीएसएमटी – चुनाभट्टी / वांद्रे अप आणि डाऊन लोकल, सीएसएमटी – वाशी / पनवेल / बेलापूर अप आणि डाऊन लोकल, सीएसएमटी – गोरेगाव / वांद्रे लोकल रद्द असतील.
पश्चिम रेल्वे
कुठे : गोरेगाव – सांताक्रूझ पाचव्या आणि सहाव्या मार्गिकेवर
कधी : शनिवारी रात्री ११.३० ते पहाटे ४.३० वाजेपर्यंत
परिणाम : शनिवारी रात्रकालीन ब्लॉक असल्याने पश्चिम रेल्वेवर रविवारी दिवसा कोणताही ब्लाॅक घेण्यात येणार नाही.
