मुंबई : मध्य रेल्वेच्या मुंबई विभागातील उपनगरीय विभागांत विविध अभियांत्रिकी आणि देखभालीची कामे करण्यासाठी रविवारी मेगाब्लॉक घेण्यात येणार आहे.
मध्य रेल्वे
मुख्य मार्ग
कुठे : माटुंगा – मुलुंड अप आणि डाऊन धीम्या मार्गावर
कधी : सकाळी ११.०५ ते दुपारी ३.५५ पर्यंत
परिणाम : छत्रपती शिवाजी महाराज टर्मिनस येथून सकाळी १०.१४ ते दुपारी ३.५२ दरम्यान सुटणाऱ्या डाऊन धीम्या मार्गावरील लोकल माटुंगा आणि मुलुंड स्थानकांदरम्यान डाऊन जलद मार्गावर वळवण्यात येतील. या लोकल शीव, कुर्ला, घाटकोपर, विक्रोळी, भांडुप आणि मुलुंड स्थानकांवर थांबतील आणि पुढे मुलुंड स्थानकावर डाऊन धीम्या मार्गावर वळवण्यात येतील. त्या नियोजित वेळेपेक्षा १५ मिनिटे उशिरा पोहोचतील. ठाणे येथून सकाळी ११.०७ ते दुपारी ३.५१ दरम्यान सुटणाऱ्या अप धीम्या मार्गावरील लोकल मुलुंड येथे अप जलद मार्गावर वळवण्यात येतील. मुलुंड – माटुंगा स्थानकांदरम्यान मुलुंड, भांडुप, विक्रोळी, घाटकोपर, कुर्ला आणि शीव येथे त्या थांबतील आणि नंतर माटुंगा स्थानकावर अप धीम्या मार्गावर वळवण्यात येतील. नियोजित वेळेपेक्षा त्या १५ मिनिटे उशिराने पोहोचतील. छत्रपती शिवाजी महाराज टर्मिनस येथून सकाळी ११ ते सायंकाळी ५ दरम्यान सुटणाऱ्या / येणाऱ्या सर्व अप आणि डाऊन लोकल नियोजित वेळेपेक्षा १५ मिनिटे उशिरा पोहोचतील.
ट्रान्स हार्बर मार्ग
कुठे : ठाणे – वाशी/नेरुळ स्थानकांदरम्यान अप आणि डाऊन मार्गावर
कधी : सकाळी ११.१० ते दुपारी ४.१० पर्यंत
परिणाम : ब्लॉककाळात वाशी / नेरुळ ते ठाणे स्थानकांदरम्यान अप आणि डाऊन ट्रान्स-हार्बर मार्गावरील लोकल सेवा बंद राहील. ठाणे येथून सकाळी १०.३५ ते दुपारी ४.०७ पर्यंत वाशी / नेरुळ / पनवेलसाठी सुटणाऱ्या डाऊन मार्गिकेवरील लोकल, पनवेल / नेरुळ / वाशी येथून सकाळी १०.२५ ते दुपारी ४.०९ पर्यंत ठाण्यासाठी सुटणाऱ्या अप मार्गावरील लोकल रद्द करण्यात येणार आहेत.