मुंबई : मुंबई शहर, उपनगर, ठाणे, नवी मुंबई परिसराला सोमवारी वळीवाच्या सरींनी झोडपून काढले. पहिल्याच पावसाने मुंबईतील वाहतूक व्यवस्था पुरती कोलमडली. सकाळी ठाणे स्थानकाजवळ सिग्नल यंत्रणेतील बिघाडामुळे तर दुपारनंतर वादळ आणि पावसामुळे मध्य रेल्वे ठप्प झाली. सायंकाळी पावसामुळे पश्चिम रेल्वेच्या सेवेवरही परिणाम झाला. दिवसभरांत मध्य रेल्वेवरील १५०, तर पश्चिम रेल्वेवरील २६ फेऱ्या रद्द झाल्या. यामध्ये मेट्रो सेवाही विस्कळीत झाली. त्यामुळे नोकरदार वर्गाचे प्रचंड हाल झाले.

सोमवारी सकाळी ९.१६ वाजता मुलुंड-ठाणे स्थानकादरम्यान अचानक सिग्नल यंत्रणेत बिघाड निर्माण झाल्याने लोकलसेवा ठप्प झाली. सकाळी १०.१५ वाजता सिग्नलची दुरुस्ती झाली. दरम्यानच्या काळात प्रवाशांचा मोठा खोळंबा झाला. दुपारी १२ नंतरही अनेक लोकल तासभर उशिराने धावत होत्या. मध्य रेल्वेचे वेळापत्रक सुरळीत होत नाही तोच दुपारनंतर महानगरात जोरदार वादळवारा आणि पाऊस झाला. यात ठाणे-मुलुंड दरम्यान दुपारी ४.१५ वाजता ओव्हर हेड वायरमध्ये बिघाड झाला. तसेच बदलापूर येथे ओव्हर हेड वायरवर झाडाची फांदी पडली. परिणामी ही सेवा पुन्हा खंडित झाली.

Two women died after a part of a house in mumbai
मोठी बातमी: मुंबईतल्या अँटॉप हिल भागात चाळीची भिंत कोसळून दोन महिलांचा मृत्यू
navi mumbai school withholds ssc mark sheet over half payment of picnic charges
सहलीचे शुल्क निम्मेच भरल्यामुळे दहावीची गुणपत्रिका अडवली; नवी मुंबईमधील एका शाळेतील धक्कादायक प्रकार
online registration and submission for admission in post graduation masters academic year 2024 25 date extended
पदव्युत्तर अभ्यासक्रमांच्या नावनोंदणीस मुदतवाढ; १९ जूनपर्यंत ऑनलाईन नावनोंदणी, २६ जूनला पहिली गुणवत्ता यादी
Difficulties in getting jobs for M Com students of Mumbai University Mumbai
सहा महिन्यांनंतरही गुणपत्रिकेची प्रतीक्षा; मुंबई विद्यापीठाच्या ‘एम.कॉम.’च्या विद्यार्थ्यांना नोकरी मिळवताना अडचणी
Transfer of Assistant Commissioner of Municipal Corporation in Andheri Mumbai
अंधेरीतील महापालिकेच्या सहाय्यक आयुक्तांची बदली; वर्सोवा येथील अनधिकृत बांधकामप्रकरण भोवल्याची चर्चा
Mumbai International Film Festival starts from Saturday Mumbai
मुंबई आंतरराष्ट्रीय चित्रपट महोत्सवाला शनिवारपासून सुरुवात; १५ ते २१ जूनदरम्यान होणाऱ्या महोत्सवात ५९ देशांतील ३१४ लघुपट पाहता येणार
Sheena Bora Case Bones and Remains Seized by Police Missing Information of CBI in special court Mumbai
शीना बोरा प्रकरण :पोलिसांनी हस्तगत केलेली हाडे आणि अवशेष गहाळ; सीबीआयची विशेष न्यायालयात माहिती
Increase in two express coaches due to platform expansion at CSMT Mumbai
मुंबई – कोल्हापूर १६ डब्यांची एक्स्प्रेस आता १९ डब्यांची; सीएसएमटी येथील फलाट विस्तारीकरणामुळे दोन एक्स्प्रेसच्या डब्यांत वाढ
Release the juvenile accused now approach the High Court In case of Porsche accident in Pune mumbai
पोर्शे अपघात प्रकरण :अल्पवयीन आरोपीची सुटका करा ;आत्याची उच्च न्यायालयात धाव

पश्चिम रेल्वेवरील चर्नी रोड येथे सायंकाळी ४.३० वाजता सिग्नल बिघाड झाल्याने, पश्चिम रेल्वेवरील लोकल सेवा १५ ते २० मिनिटे उशिराने धावत होत्या. रेल्वेचे वेळापत्रक कोलमडल्यामुळे काही मुंबईकरांनी बेस्ट बसचे स्थानक गाठले. मात्र झाड्यांच्या फांद्या पडल्यामुळे, वाहतूक कोंडीमुळे अनेक बसचे मार्ग बदलण्यात आले होते.

हेही वाचा >>> मुंबई: पालिकेच्या परवानगी शिवाय चार जाहिरात फलक, फलकाच्या आजूबाजूच्या झाडांवर विषप्रयोग

मेट्रोही रखडली

वादळीवारा सुरू झाल्यानंतर मेट्रो-१ मार्गिकेवरील एअरपोर्ट स्थानकाजवळील ओव्हर हेड वायरवर जोरदार वाऱ्यामुळे कापड अडकले. यामुळे दुपारी साडेचारच्या सुमारास ही सेवा काही वेळासाठी विस्कळीत झाली. अवघ्या काही मिनिटातच सेवा पूर्ववत झाल्याची माहिती मुंबई मेट्रो वन प्रायव्हेट लिमिटेड (एमएमओपीएल) कडून देण्यात आली. दुपारी सव्वाचारच्या सुमारास वादळी वाऱ्यामुळे बॅनर उडून मेट्रो ७ मार्गिकेतील मोगरा ते गुंदवलीदरम्यानच्या स्थानकावरील ओव्हरहेड वायरवर पडले आणि त्यामुळे मेट्रो ७ ची सेवा विस्कळीत झाली.

विमाने खोळंबली

मुंबईतील खराब हवामान, कमी दृश्यमानता आणि सोसाट्याचा वाऱ्यामुळे छत्रपती शिवाजी महाराज आंतरराष्ट्रीय विमानतळ प्राधिकरणाने ६६ मिनिटे विमानांचे आगमन, निर्गमन तात्पुरते स्थगित केले. त्यानंतर सायंकाळी ५.०३ वाजता सेवा सुरू केली. या कालावधीत १५ विमाने इतरत्र उतरवण्यात आली. यामुळे अनेक विमानांचे उड्डाण आणि आगमन उशीरा झाले.

कुर्ला, विक्रोळी, भांडुपचा पाणीपुरवठा विस्कळीत

मुंबई : वादळी वारा आणि अवकाळी पावसामुळे सोमवारी सायंकाळी पवईतील २२ किलोव्हॅट विद्याुत उपकेंद्राचे नुकसान झाले आहे. त्यामुळे, पवई उदंचन केंद्राला होणारा विद्युतपुरवठाही खंडित झाला. परिणामी, कुर्ला आणि भांडुपमधील काही परिसरात पाणीपुरवठा विस्कळीत झाला आहे. मुंबई आणि उपनगरात सोमवारी सायंकाळी जोरदार वादळी पाऊस झाला. यावेळी पवई येथील उदंचन केंद्राला होणारा विद्याुतपुरवठाही खंडित झाला. तसेच या विद्याुत उपकेंद्रातील अनेक उपकरणांमध्ये बिघाड झाला. अनेक ठिकाणच्या वीजवाहिन्याही तुटल्या असून, अनेक महत्त्वाच्या उपकरणांचे प्रचंड नुकसान झाले आहे. दुरुस्तीच्या कामांमध्ये विलंब होण्याची शक्यता असल्याने भांडुपमधील मोरारजी नगर, जयभीम नगर, पासपोली गावठाण, लोकविहार सोसायटी, रेनेसान्स हॉटेल परिसरात पाणीपुरवठा होणार नाही. तर महात्मा फुले नगरच्या भागात कमी दाबाने पाणीपुरवठा होणार आहे.

पाऊस किती?

हवामान विभागाच्या सांताक्रुझ केंद्रात सोमवारी सरासरी २०.२ मिलिमीटर पावसाची नोंद झाली. तर,पालिकेच्या स्वयंचलित पर्जन्यमापक यंत्रणेच्या नोंदीनुसार दादर, माहीम भागात १८ मिलीमीटर, भांडुप ७८, मुलुंड ६७ , कुर्ला ४२, विक्रोळी ३१, चेंबूर, गोवंडी, मानखुर्द येथे ३२ मिलिमीटर तर गोरेगाव, अंधेरी, जोगेश्वरी, विलेपार्ले पूर्व भागात ४१ मिलिमीटर पावसाची नोंद झाली.