मुंबई विद्यापीठाच्या आज होणाऱ्या परीक्षा लांबणीवर

नारळी पौर्णिमेनिमित्त सार्वजनिक शासकीय सुट्टी जाहीर करण्यात आल्यामुळे नियोजित परीक्षा पुढे ढकलण्यात आल्या आहेत. संबंधित परीक्षांच्या सुधारित तारखा लवकरच जाहीर केल्या जाणार असून त्याबाबतचे परिपत्रक विद्यापीठातर्फे निर्गमित केले जाणार असल्याचे परीक्षा व मूल्यमापन मंडळाच्या संचालक डॉ. पूजा रौंदळे यांनी सांगितले. आज नियोजित वेळापत्रकानुसार सकाळच्या सत्रात औषधनिर्माणशास्त्र (फार्मसी) आणि एम.एड., तर दुपारच्या सत्रात एम.ए. आणि एम.कॉम.च्या परीक्षा होत्या.