मुंबई : खासगी शिकवणीच्या बहाण्याने शिक्षकानेच १६ वर्षीय मुलीचा विनयभंग केल्याची घटना अ‍ॅन्टॉपहिल परिसरात घडली. याप्रकरणी अ‍ॅन्टॉपहिल पोलीस विनयभंगाचा गुन्हा नोंदवून अधिक तपास करत आहेत.
हेही वाचा – पुणे विमानतळाबाबत उच्च न्यायालयाचा मोठा निर्णय; आता चेंडू सरकारच्या कोर्टात
हेही वाचा – पुणे : प्रदूषण रोखण्यासाठी उपाययोजना न केल्याने शापूरजी पालनजी कंपनीला दंड
पीडित १६ वर्षीय मुलगी कुटुंबियांसोबत शीव राहण्यास आहे. ती अ‍ॅन्टॉपहिल परिसरातील एका व्यक्तीकडे खासगी शिकवणीसाठी जात होती. शिकवणीच्या बहाण्याने १ नोव्हेंबरपासून आरोपीने मुलीशी जवळीक साधण्याचा प्रयत्न केला. १ ते १४ नोव्हेंबर दरम्यान शिक्षकाचे अश्लील चाळे वाढल्याने विद्यार्थिनीने शिकवणीला जाणे बंद केले. अखेर, मुलीने घरच्यांना याबाबत सांगताच हा प्रकार उघडकीस आला. शनिवारी मुलीच्या तक्रारीवरून पोलिसांनी विनयभंगाचा गुन्हा नोंदवला आहे. याप्रकरणी पोलीस अधिक तपास करत आहे.
