बोईसर रेल्वे स्थानकानजीक असलेल्या खैराफाटक पुलाजवळ रेल्वे रुळ ओलांडताना मालगाडीने तिघांना उडवले. यामध्ये मातेसह तिच्या दोन लहान मुलांचा जागीच मृत्यू झाला. यामध्ये मातेसह आठ महिन्यांचे बाळ व चार वर्षीय मुलीचा समावेश आहे. मृतांची ओळख अजूनही पटलेली नाही. या पुलानजीक अपघात घडण्याची ही जवळपास सहावी घटना आहे. अपघात नेमका कसा झाला, याचे कारण मात्र समजू शकले नाही. आतापर्यंत खैराफाटक पुलाजवळ रेल्वे फाटक ओलांडताना अनेकांना आपला जीव गमवावा लागला आहे.
