मुंबई-नागपूरदरम्यान विशेष रेल्वेच्या १० अनारक्षित फेऱ्या, महापरिनिर्वाण दिनानिमित्त मध्य रेल्वेचे नियोजन

अकोला : महापरिनिर्वाण दिनानिमित्त मुंबई-नागपूरदरम्यान विशेष रेल्वेच्या १० अनारक्षित फेऱ्या चालवण्याचा निर्णय मध्य रेल्वेने घेतला आहे. त्यामुळे अतिरिक्त गर्दीवर नियंत्रण मिळवणे शक्य होणार आहे.

नागपूर-मुंबई अनारक्षित विशेष रेल्वे गाडीच्या तीन फेऱ्या होणार आहेत. ०१२६२ क्रमांकाची विशेष गाडी ४ डिसेंबर रोजी नागपूर येथून २३.५५ वाजता निघेल आणि छत्रपती शिवाजी महाराज टर्मिनस, मुंबईला दुसऱ्या दिवशी १५.३० वाजता पोहोचेल. ०१२६४ क्रमांकाची गाडी ५ डिसेंबर नागपूर येथून ०८.०० वाजता निघेल आणि छत्रपती शिवाजी महाराज टर्मिनस मुंबई येथे त्याच दिवशी २३.४५ वाजता पोहोचेल. ०१२६६ क्रमांकाची गाडी ५ डिसेंबरला नागपूर येथून १५.५० वाजता निघेल आणि छत्रपती शिवाजी महाराज टर्मिनस मुंबई येथे दुसऱ्या दिवशी १०.५५ वाजता पोहोचेल. या गाडीला नागपूर, अजनी, सेवाग्राम, वर्धा, पुलगाव, धामणगाव, बडनेरा, मूर्तिजापूर, अकोला, जलंब, मलकापूर, भुसावळ, जळगाव, चाळीसगाव, मनमाड, नाशिक रोड, इगतपुरी, कसारा, कल्याण, दादर आणि छत्रपती शिवाजी महाराज टर्मिनस मुंबई येथे थांबा राहणार आहे.

आणखी वाचा-“गृहखात्यावर कोणाचेही नियंत्रण नाही,” विजय वडेट्टीवार असे का म्हणाले? वाचा…

मुंबई/दादर ते सेवाग्राम/अजनी/नागपूर अनारक्षित विशेष गाडीच्या सहा फेऱ्या चालविण्यात येणार आहे. ०१२४९ विशेष गाडी ६ डिसेंबरला १६.४५ वाजता छत्रपती शिवाजी महाराज टर्मिनस मुंबईहून निघेल आणि अजनी येथे दुसऱ्या दिवशी ०९.३० पोहोचेल. ०१२५१ क्रमांकाची गाडी ६ डिसेंबरला १८.३५ वाजता छत्रपती शिवाजी महाराज टर्मिनस मुंबई येथून निघेल आणि सेवाग्राम येथे दुसऱ्या दिवशी १०.३० वाजता पोहोचेल. ०१२५३ क्रमांकाची गाडी ७ डिसेंबरला दादर येथून ००.४० वाजता निघेल आणि अजनी येथे त्याच दिवशी १५.५५ वाजता पोहचणार आहे. ०१२५५ क्रमांकाची विशेष गाडी १२.३५ वाजता छत्रपती शिवाजी महाराज टर्मिनस मुंबई येथून निघेल आणि नागपूर येथे दुसऱ्या दिवशी ०३.०० वाजता पोहोचेल.

०१२५७ क्रमांकाची विशेष गाडी ८ डिसेंबरला १८.३५ वाजता छत्रपती शिवाजी महाराज टर्मिनस मुंबई येथून निघेल आणि नागपूर येथे दुसऱ्या दिवशी १२.१० वाजता पोहोचेल. ०१२५९ क्रमांकाची गाडी ८ डिसेंबरला दादर येथून ००.४० निघेल आणि अजनी येथे त्याच दिवशी १५.५५ वाजता पोहोचेल. या गाडीला छत्रपती शिवाजी महाराज टर्मिनस मुंबई, दादर, कल्याण, कसारा, इगतपुरी, नाशिक रोड, मनमाड, चाळीसगाव, जळगाव, भुसावळ, मलकापूर, जलंब, अकोला, मूर्तिजापूर, बडनेरा, धामणगाव, पुलगाव, वर्धा, सेवाग्राम, अजनी आणि नागपूर येथे थांबा राहील.

आणखी वाचा-बडनेरा ते वर्धा मार्गावर ३० रेल्‍वेगाड्या धावताहेत ताशी १३० किमी वेगाने

अजनी-मुंबई वन-वे अनारक्षित विशेष गाडीची एक फेरी होणार असून ०२०४० क्रमांकाची विशेष गाडी अजनी येथून दि. ७ डिसेंबरला १३.३० वाजता निघेल आणि छत्रपती शिवाजी महाराज टर्मिनस मुंबई येथे दुसऱ्या दिवशी ०४.१० वाजता पोहोचेल. या गाडीला अजनी, वर्धा, पुलगाव, धामणगाव, बडनेरा, अकोला, शेगाव, मलकापूर, भुसावळ, नाशिक रोड, इगतपुरी, कल्याण, दादर आणि छत्रपती शिवाजी महाराज टर्मिनस मुंबई येथे थांबा राहील.