अल्पवयीन मुलीवर अत्याचार, आरोपीस वीस वर्षांचा कारावास

नागपूर: सहा वर्षीय अल्पवयीन मुलीचे लैंगिक शोषण केल्याचा गुन्हा सिद्ध झाल्याने पोक्सो न्यायालयाचे विशेष न्यायाधीश आर. पी. पांडे यांनी शांतीनगर येथील विशाल राष्ट्रपाल गजभिये यास २० वर्षांचा कारावास सुनावला. २२ सप्टेंबर २०१८ रोजी सायंकाळच्या वेळी पीडित मुलगी परिसरातील मुलींसह चोर-पोलीस खेळत होती. या दरम्यान ती विशालच्या घरासमोर मुलगी गेली असताना त्याने तिचा हात पकडून तिला घरात खेचले आणि दार बंद केले. त्यामुळे तिच्या मैत्रिणी तेथून आपआपल्या घरी निघून गेल्या. विशालने तिचा विनयभंग करून तिचे लैंगिक शोषण केले.  घडलेला प्रकार तिने तिच्या आईला सांगितला. त्यांनी शांतीनगर पोलिसात धाव घेतली.