गोंदिया: तिरोडा शहरामध्ये सोमवारी संध्याकाळी स्थानिक संत रविदास वॉर्डमध्ये एका भीषण हृदयद्रावक अपघात घडला. या अपघातात ई रिक्षाचालक वडील आणि मुलाचा विद्युत प्रवाहाच्या धक्क्याने मृत्यू झाला. वडील नरेश बरीयेकर (५५) आणि मुलगा दुर्गेश नरेश बरीयेकर बारीकर (२२) दोघे रा. संत रविदास वार्ड, तिरोडा असे या घटनेतील मृतक पिता पुत्राचे नाव आहे.
मिळालेल्या माहितीनुसार, नरेश बरीयेकर (५५) हे तिरोडा शहरात दिवसभर ही रिक्षा चालवून आपल्या कुटुंबीयांचा भरण पोषण करत होते. नेहमी प्रमाणे सोमवारी सायंकाळी पण त्यांनी दिवसभर ई- रिक्षा चालवून सायंकाळी घरी आल्यानंतर त्यांची ई-रिक्षा ची बॅटरी चार्ज करण्याकरिता लावायच्या प्रयत्न केला असता दरम्यान, जवळच असलेल्या जिवंत विद्युत प्रवाह हा शेड आणि शटरमधून प्रवाहित झाल्याने नरेश बरीयेकर यांना चुकून शटरला स्पर्श करून त्यांना वीजेचा धक्का बसला असता ते मला वाचवा असे ओरडू लागले असता आपल्या वडिलांना वाचवण्यासाठी घरीच असलेला त्यांचा मुलगा दुर्गेश नरेश बारीकर (२२) हा ही धावला यात त्याला ही वीजेचा धक्का बसला,
आणि काही क्षणातच दोघांचाही जागीच मृत्यू झाल्याची हृदयद्रावक घटना सोमवार, २२ सप्टेंबर रोजी संध्याकाळी ७:३० वाजताच्या सुमारास तिरोडा शहरातील संत रविदास वाढ येथे घडली. घटनेची माहिती मिळताच परिसरातील लोक घटनास्थळी धावले. नंतर, तिरोडाचे पोलिस निरीक्षक अमित वानखेडे आपल्या पथकासह या घटनास्थळी पोहोचले आणि पंचनामा तयार करून पुढील तपास सुरू केला. सदर अपघात हा खाजगी स्थळी घडलेला आहे. याप्रकरणी मर्ग दाखल करण्यात आलेला असल्याची माहिती तिरोडा पोलीस ठाण्याचे पोलीस निरीक्षक अमित वानखेडे यांनी दिली.
मिळालेल्या एका माहितीनुसार या घटनेतील मृतक नरेश बरीयेकर (५५) त्यांच्या कुटुंबात सद्य परिस्थितीत पती पत्नी आणि मुलगा असे तिरोडा येथील संत रविदास वार्ड येथे वास्तव्यास होते. त्यांच्या अपत्य असलेल्या ४ मुलींचे काही वर्षांपूर्वी लग्न झालेले आहे. मृतक नरेश बरीयेकर यांचा मुलगा दुर्गेश यांनी बारावीपर्यंत शिक्षण घेतले होते आणि तो पण आपल्या वडिलाला ई रिक्षा चालवण्यात हातभार लावत होता.
पण सोमवारी घडलेल्या अपघातात मुलगा दुर्गेश आणि पती नरेश बरीयेकर या दोघांचा मृत्यू झालेला आहे त्यामुळे आता नरेश बरीयेकर यांची पत्नी रेखा बरीयेकर यांच्यावर पुढील आयुष्य कसे जगावे असा प्रश्न निर्माण झाला आहे.आज मंगळवार २३ सप्टेंबर रोजी तिरोडा येथील शासकीय उपजिल्हा रुग्णालय दुर्गेश आणि नरेश बरीयेकर या दोघा मृतकांची उत्तरीय तपासणी करण्यात आल्यानंतर मृतदेह कुटुंबियांच्या स्वाधीन करण्यात आला आहे.
सोमवारी या विद्युत प्रवाह आणि त्यातून पिता पुत्राचे मृत्यू झाल्याच्या घटनेची माहिती मिळताच महाराष्ट्र विद्युत वितरण कंपनी मंडळ तिरोडा येथील अधिकार्‍यांनी त्वरित घटनास्थळी भेट देऊन परिस्थितीची पाहणी केली आणि योग्य ती कारवाई करून आपल्या वरिष्ठांना कळविले. सदर घटना ही सार्वजनिक ठिकाणी घडलेली नसून खाजगी वीज वापर होत असलेल्या ग्राहकाकडून घडलेली आहे. त्यामुळे यात नियमानुसार जी मदत होऊ शकते ती करण्याचा आम्ही प्रयत्न करू.- श्री, ताकसांडे कनिष्ठ अभियंता, महाराष्ट्र विद्युत वितरण कंपनी मंडळ तिरोडा.
