खराब हवामानामुळे विमान वाहतूक कोलमडली, विमाने इतरत्र वळवली

खराब हवमानामुळे नागपूर, मुंबई, बंगळुरू तसेच इतर ठिकाणीची विमाने वेगवेगळ्या शहरांकडे वळवण्यात आली.

मुरलीधर मोहोळ यांनी राज्याचे विमानतळाच्या नावासाठी मुख्यमंत्री एकनाथ शिंदे यांच्यासह दोन्ही उपमुख्यमंत्री यांची भेट घेऊन केली सविस्तर चर्चा.

नागपूर : खराब हवमानामुळे नागपूर, मुंबई, बंगळुरू तसेच इतर ठिकाणीची विमाने वेगवेगळ्या शहरांकडे वळवण्यात आली. त्यामुळे संपूर्ण विमान वाहतूक व्यवस्था कोलमडली.

शमशाद-नागपूर-किशनगड हे विमान शमशादकडे वळवण्यात आले. रात्री पावणे अकरा वाजता नागपुरात आले. उशीर झाल्याने हे विमान किशनगडला गेले नाही. मुंबई-नागपूर-मुंबई हे एअर इंडियाचे विमान रात्री नऊ वाजता इंदुरकडे वळवण्यात आले. त्यानंतर हे उड्डाण रद्द करण्यात आले. इंडिगोचे मुंबई ते नागपूर हे विमान इंदूरकडे रात्री नऊच्या सुमारास वळवण्यात आले. ते विमान नागपूरला रात्री साडेअकरा वाजता आले.

अहमदाबाद ते नागपूर इंडिगो विमान रात्री सव्वानऊ वाजता इंदूरकडे वळवण्यात आले. हे विमान रात्री साडेबारा वाजता नागपुरात आले. बंगळुरू ते नागपूर इंडिगो विमान हैदराबादकडे वळवण्यात आले. त्यानंतर हे विमान रात्री १२ च्या सुमारास नागपुरात आले.