“शेतकरी मदतीच्या प्रतीक्षेत मात्र सरकार विरोधी पक्ष फोडण्यात व्यस्त”, अनिल देशमुख यांची टीका, म्हणाले… Anil Deshmukh criticized the state government over the Farmers Relief

राज्य सरकारच्या वेळकाढू धोरणामुळे शेतकऱ्यांचा दसरा तर अंधारातच गेला आहे, आता दिवाळीसुद्धा अंधारातच जावू देणार का? असा प्रश्न अनिल देशमुख यांनी सरकारला विचारला.

Written by लोकसत्ता टीम

नागपूर

October 23, 2023 12:59 IST

“शेतकरी मदतीच्या प्रतीक्षेत मात्र सरकार विरोधी पक्ष फोडण्यात व्यस्त”, अनिल देशमुख यांची टीका, म्हणाले… (छायाचित्र - लोकसत्ता ग्राफिक्स)

नागपूर : राज्यात पावसाने दांडी मारल्याने व नंतर अतिवृष्टी व विविध रोगांच्या प्रादुर्भावाने कापूस व सोयाबीनचे मोठ्या प्रमाणात नुकसान झाले आहे. यावर तातडीने मदतीची आवश्यकता असताना सरकार विरोधी पक्ष फोडाफोडीत व्यस्त आहे, अशी टीका माजी गृहमंत्री अनिल देशमुख यांनी केली.

हेही वाचा – बौद्ध धर्माकडे वाढता कल, २५ हजार नागरिक घेणार बौद्ध धम्माची दीक्षा

हेही वाचा – दीक्षाभूमीला पोलीस छावणीचे स्वरूप, धम्मचक्रप्रवर्तन दिनानिमित्त चोख बंदोबस्त; चार हजार पोलीस…

विधानसभेत हा आवाज उठविल्यानंतर राज्य सरकारने बऱ्याच उशिरा पंचनामे सुरू केले. शेवटी पंचनामे पूर्ण झाले आणि राज्य सरकारने राज्यातील शेतकऱ्यांसाठी १ हजार ७१ कोटी रुपयांच्या मदतीची घोषणा केली. ही रक्कम थेट शेतकऱ्यांच्या खात्यात जमा करू असे आश्वासन देण्यात आले. परंतु अद्यापही ती मदत शेतकऱ्यांच्या खात्यात जमा झाली नाही. एकट्या यवतमाळ जिल्ह्याचा विचार केला तर जवळपास २ लाख शेतकऱ्यांची २०४ कोटी रुपयांची मदत येणे बाकी आहे. राज्य सरकारच्या वेळकाढू धोरणामुळे शेतकऱ्यांचा दसरा तर अंधारातच गेला आहे, आता दिवाळीसुद्धा अंधारातच जावू देणार का? असा प्रश्न अनिल देशमुख यांनी सरकारला विचारला.

First published on: 23-10-2023 at 12:59 IST