नागपूर: केंद्रीय भूपृष्ठ वाहतूक मंत्री नितीन गडकरी बिनधास्त बोलण्यासाठी परिचित आहेत. त्यांच्याशी जवळीक असलेले राज्याचे महसूलमंत्री व नागपूरचे पालकमंत्री चंद्रशेखर बावनकुळे यांनीही मंगळवारी गडकरींच्या पावलावर पाऊल टाकत बेरोजगारांना आवाहन केले. त्याबाबत आपण जाणून घेऊ या.
राज्याचे मुख्यमंत्री देवेंद्र फडणवीस यांच्या वाढदिवसाच्या निमित्ताने संपूर्ण महाराष्ट्रभर रोजगार मिळविणे आणि रक्तदान शिबिरांचे आयोजन करण्यात आले आहे. त्याचाच एक भाग म्हणून राज्याचे महसूल मंत्री व नागपूर- अमरावती जिल्ह्याचे पालकमंत्री चंद्रशेखर बावनकुळे यांच्या पुढाकाराने कामठी शहरात दादासाहेब कुंभारे मल्टीपर्पस ट्रेनिंग इन्स्टिट्यूटमध्ये पंडित दीनदयाल उपाध्याय रोजगार मेळाव्याचे आयोजन करण्यात आले. हा मेळावा कौशल्य, रोजगार, उद्योजकता व नाविन्यता विभाग, जिल्हा कौशल्य विकास रोजगार व उद्योजकता मार्गदर्शन केंद्र नागपूर, मॉडेल केरियर सेंटर नागपूर आणि दादासाहेब कुंभारे मल्टीपर्पस ट्रेनिंग इन्स्टिट्यूट, कामठी यांच्या संयुक्त विद्यमाने आयोजित करण्यात आला होता.
माजी राज्यमंत्री सुलेखा कुंभारे यांच्या अध्यक्षतेखाली आयोजित या कार्यक्रमाला कौशल्य रोजगार उद्योजकता व नाविन्यता विभागाचे विभागीय उपायुक्त प्रकाश देशमाने, सहाय्यक आयुक्त सुनंदा बजाज, दादासाहेब कुंभारे मल्टीपर्पस ट्रेनिंग इन्स्टिट्यूटचे प्राचार्य सागर भावे, अनिल निदान, मंगेश यादव, अजय कदम, वंदना भगत आणि अन्य पदाधिकारी उपस्थित होते. यावेळी बावनकुळे म्हणाले, रोजगार निर्मित्साठी या मेळाव्याचे आयोजन करण्यात आले आहे.
नवीन पिढीने उद्योजकत्वाकडे अधिक वाटचाल करावी आणि इतरांना रोजगार देणारे व्हावे असे सांगत आपल्या शहरात राज्य सरकारच्या विविध योजनाचा लाभ घेत छोटे छोटे रोजगार निर्मिती करावी. एकवीससाव्या शताब्दीमध्ये लघुउद्योग आणि कौशल्य विकासाला प्राधान्य दिले पाहिजे. नोकरी मागण्यापेक्षा उद्योजक होऊन रोजगार निर्मिती करण्याकडे सर्वांनी लक्ष केंद्रित केले पाहिजे.
कौशल्य विकास केंद्रांच्या माध्यमातून महिला बचत गटांना प्रकल्पाना मंजुरी देऊन त्यांना उद्योजक बनविण्याचे आवाहन यावेळी उपस्थितांना केले. महिला बचत गटांतून काम करण्याचे संकल्प आणि स्किल डेव्हलपमेंट महत्त्वाचे आहे, ज्यामुळे अनेक महिलांना स्वावलंबी होण्याची संधी मिळेल.
या कार्यक्रमातून कामठीतील तरुणांना रोजगार व उद्योजकता संबंधी मार्गदर्शन देण्यात आले, ज्यामुळे त्यांची भविष्य योजना अधिक दृढ होईल.
यावेळी रक्तदान शिबिराचेही आयोजन करण्यात आले होते, ज्यामुळे सामाजिक उपक्रमाची महती अधोरेखित झाली. शिवाय, मुख्यमंत्री देवेंद्र फडणवीस यांच्या जन्मदिनी कामठी शहरातील सरोज चंदनसिंग यादव यांनी चंद्रशेखर बावनकुळे यांच्या हस्ते मुख्यमंत्री सहायता निधीमध्ये ११ हजार रुपये दिले.
