scorecardresearch

Premium

यवतमाळ : देशी बनावटीचे पिस्टल सहज होतात उपलब्ध! ११ महिन्यांत १६ कारवाया

संघटीत टोळीयुद्ध आणि संघटित गुन्हेगारीसाठी यवतमाळ व पुसद शहर प्रसिद्ध आहे. आता या शहरांसह जिल्ह्यात गावगुंडांच्या हातात देशी बनावटीचे पिस्टल आल्या आहेत.

pistols Yavatmal district
यवतमाळ : देशी बनावटीचे पिस्टल सहज होतात उपलब्ध! ११ महिन्यांत १६ कारवाया (image – pixabay/representational image)

यवतमाळ : संघटीत टोळीयुद्ध आणि संघटित गुन्हेगारीसाठी यवतमाळ व पुसद शहर प्रसिद्ध आहे. आता या शहरांसह जिल्ह्यात गावगुंडांच्या हातात देशी बनावटीचे पिस्टल आल्या आहेत. खून, प्राणघातक हल्ले, खंडणी वसुली, दहशत निर्माण करण्यासाठी देशी पिस्टलचा वापर वाढत आहे. जिल्ह्यात पिस्टल सहज उपलब्ध होत असल्याने हा चिंतेचा विषय ठरला आहे.

स्थानिक गुन्हे शाखा व पोलीस पथकांनी मागील ११ महिन्यांत तब्बल १६ देशी बनावटीचे पिस्टल जप्त केले. सर्वाधिक कारवाया पुसद व यवतमाळ उपविभागात करण्यात आल्या. त्यामुळे किती मोठ्या प्रमाणात पिस्टलचा वापर गुन्हेगारी वर्तुळासह नवख्या गावगुंडाकडून केला जात आहे, हे सहज लक्षात येते. अल्पवयीन मुलेही पिस्टल खिशात टाकून फिरत असल्याचे दिसते. देशी पिस्टलच्या धाकावर गावगुंड परिसरात आपली दहशत निर्माण करत आहे. याची माहिती स्थानिकांना असताना घातपात होण्याच्या भीतीने पोलिसांना माहिती देण्याचे धाडस कोणी करत नाही.

Pune pubs
पुण्यात आता मध्यरात्री दीडपर्यंत ‘चिअर्स’… पब, मद्यालयांबाबत पोलीस आयुक्तांचा मोठा निर्णय
pistols Nagpur city
नागपूर शहरात पुन्हा वाढला पिस्तुलांचा वापर
mira bhaindar municipal corporation marathi news
मीरा भाईंदर महानगरपालिकेच्या वरिष्ठ अधिकाऱ्यांमध्ये धक्काबुक्की, पोलीस ठाण्यात तक्रार
Gun culture Nagpur
उपराजधानीत गन कल्चर फोफावतंय… बंदुकबाजांची दहशत वाढली; चार वर्षांत ९४ गुन्ह्यात १०६ पिस्तूल जप्त

हेही वाचा – सावधान! चंद्रपूर पोलीस अधीक्षक रवींद्र सिंह परदेशी यांचे बनावट फेसबुक खाते, हॅकरद्वारे फसवणुकीचा प्रयत्न

अमरावती जिल्ह्याच्या सीमेला लागून असलेल्या भागात देशी बनावटीचे पिस्टल बनविले जाते. काहींनी लहान कारखानेच थाटले आहे. यवतमाळ जिल्ह्यातील पिस्टल तस्करीचे कनेक्शन थेट मध्यप्रदेशात आहे. मात्र, तेथे पथक गेल्यास स्थानिक पोलिसांचे सहकार्य मिळत नाही. काही वर्षांपूर्वी केवळ ‘भाई’ पिस्टल वापरायचे. आता ‘क्रेझ’म्हणून तरुणही देशीकट्ट्याचा वापर करताना दिसतात. वाळू तस्करीत असणाऱ्या माफियांच्या हातात पिस्टल आले आहे. त्याच्याच धाकावर अधिकाऱ्यांना धमकावण्याचे प्रकार घडत आहे. या वर्षात यवतमाळ शहर, बाभूळगाव, नेर, पुसद, घाटंजी या शहरात देशी बनावटीच्या पिस्टल जप्तीच्या १६ कारवाया करण्यात आल्या. त्यात नऊ कारवाया स्थानिक गुन्हे शाखेच्या पथकाने केल्या आहेत. सात कारवाया या पोलिसांच्या पथकाने केल्या. खबऱ्यांचे नेटवर्क वाढविल्यास पोलिसांच्या कारवाईत पिस्टल बाळगणारे शेकडो गावगुंड अडकू शकतात, ही वस्तुस्थिती आहे.

पोलीस आरोपीला अटक करून पिस्टल जप्त करतात. मात्र पिस्टल कुणाकडून खरेदी केले. कुणाचा घातपात करण्याचा उद्देश होता. विक्रेत्याचे नाव समोर येणे आवश्यक असताना हा तपास पुढे सरकत नसल्याचे चित्र आहे. तपास आरोपीच्या अटकेवरच थांबत असल्याने गावगुंडावर जरब बसत नाही.

हेही वाचा – नागपूर : ९७ वर्षीय वडिलांसह पाच मुलांनी घेतले मेडिकलमधून शिक्षण

२०२२ मध्ये पिस्टल जप्तीचे पाच गुन्हे दाखल आहेत. त्यात तीन कारवाया स्थानिक गुन्हे शाखेच्या पथकाने केल्या. २०२३ मध्ये जिल्ह्यात देशीकट्टे जप्तीच्या १६ कारवाया करण्यात आल्या. यातील नऊ कारवाया स्थानिक गुन्हे शाखेच्या पथकाने केल्या आहेत. यवतमाळ आणि पुसद शहरातून प्रत्येकी सात देशी कट्टे जप्त करण्यात आले. त्यामुळे दोन्ही शहरांत पिस्टलप्रेमी अधिक असल्याचे दिसते.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Country made pistols are easily available 16 actions in yavatmal district in 11 months nrp 78 ssb

First published on: 30-11-2023 at 13:15 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×