अमरावती : ऑनलाइन ट्रेडिंगद्वारे मोठ्या प्रमाणात नफा मिळवून देण्याचे आमिष दाखवून शहरातील एका व्‍यक्‍तीची तब्बल ३१ लाख ९० हजार रुपयांची फसवणूक करण्‍यात आली. या प्रकरणी फसवणूक झालेल्या व्यक्तीच्या तक्रारीवरून सायबर पोलिसांनी गुन्हा दाखल केला आहे.

तक्रारकर्त्या व्यक्तीला सप्टेंबर महिन्याच्या सुरुवातीला फेसबुकवर एक पोस्ट निदर्शनास आली. त्यात ऑनलाइन ट्रेडिंग करून मोठ्या प्रमाणात नफा मिळवून देण्याची जाहिरात होती. त्यानंतर एका अज्ञात व्हॉट्सॲप वापरकर्त्‍याने त्यांच्याशी संपर्क साधला. त्यानेसुद्धा तक्रारकर्त्या व्यक्तीला ऑनलाइन ट्रेडिंग करून मोठ्या प्रमाणात नफा मिळवून देण्याचे आमिष दाखविले. ठकसेनाने त्यांना अमेरिकेतील शिकागो येथील एका आंतरराष्ट्रिय कमर्शियल मॅनेजमेंट कंपनीची वेबसाईट पाठविली.

Pune model of co-working space From start-ups to large companies everyone is getting preference
को- वर्किंग स्पेसचे पुणेरी मॉडेल! स्टार्टअपपासून मोठ्या कंपन्यांपर्यंत सर्वांचीच मिळतेय पसंती
Ecuadorian police break the Mexican embassy and arrested former vice president of Ecuador Jorge Glas
इक्वेडोरकडून आंतरराष्ट्रीय कायद्यांचे उल्लंघन; लॅटिन अमेरिकेतील राष्ट्रे संतापली…
Cyber Fraud Mumbai crime Cases
जैसे ज्याचे कर्म तैसे! कंपनीला गंडा घालून मिळवलेले १ कोटी रुपये ‘फ्रॉड स्कीम’मध्ये गमावले
Drug supply to Delhi
अमली पदार्थ प्रकरणातील शोएबकडून दोनदा दिल्लीस कोट्यवधींचा पुरवठा

हेही वाचा : चंद्रपूर : रेल्वेच्या धडकेत वाघाचा मृत्यू

त्यांना त्या संकेतस्थळाचे ॲप डाउनलोड करण्यास सांगितले. ऑनलाइन ट्रेडिंग सुरू झाल्यावर ठकसेनाने त्यांना आभासी फायदा दाखवला. त्यामुळे तक्रारकर्तेदेखील त्या मोहात अडकले. त्यानंतर ठकसेनाने वेगवेगळी कारणे सांगून त्यांच्याकडून सव्वा महिन्याच्या कालावधीत तब्बल ३१ लाख ९० हजार रुपये उकळले. आपली फसवणूक झाल्याचे लक्षात आल्यावर त्यांनी सायबर पोलीस ठाण्यात तक्रार दाखल केली. तक्रारीवरून एका व्हॉट्सॲप वापरकर्त्‍यासह संकेतस्थळधारकाविरुद्धही फसवणुकीसह माहिती व तंत्रज्ञान कायद्यान्वये गुन्हा दाखल करण्यात आला असून पुढील तपास सुरू आहे.