नागपूर : जूनच्या पहिल्या आठवड्यात सक्रिय झालेल्या मोसमी पावसाने दुसऱ्या आठवड्याच्या अखेरीस मात्र विश्रांती घेतली. मात्र, येत्या २० जूननंतर मोसमी पाऊस पूर्णपणे सक्रिय होऊन राज्यात मुसळधार पाऊस पडेल, असा अंदाज भारतीय हवामान खात्याने वर्तवला आहे. मागील वर्षीच्या तुलनेत यंदा मोसमी पाऊस वेळेआधीच राज्यात दाखल झाला. अंदमान-निकोबार नंतर केरळमध्ये तो दाखल झाला. तर त्यानंतर पुणे, मुंबई, कोल्हापूर या शहरात देखील वेळेआधीच मोसमी पावसाचे आगमन झाले. जूनच्या दुसऱ्या आठवड्यात विदर्भातील यवतमाळ, अकोला, अमरावती, चंद्रपूर येथेही मोसमी पाऊस दाखल झाला. मात्र, त्यानंतर मोसमी पावसाची वाटचाल रखडली. त्यामुळे राज्यात पावसाचा जोर कमी झाला आहे. कोकण किनारपट्टी आणि मुंबईत धडकल्यानंतर मोसमी पावसाने विदर्भ आणि मराठवाड्याकडे आपला मोर्चा वळवला. मात्र, विदर्भातील काही भागात पोहचल्यानंतर मान्सूनची पुढे सरकला नाही.विदर्भ-मराठवाड्यातील काही जिल्ह्यांना अद्याप पावसाची प्रतिक्षा आहे. तापमानातही फारशी घट झालेली नसून उकाडा प्रचंड वाढला आहे.

हेही वाचा : रामटेकमधील काँग्रेसच्या विजयात ठाकरे गटाचेही योगदान – जाधव

bhaindar uttan marathi news
भाईंदरच्या उत्तन येथील घटना, खड्ड्यात बुडून ६ वर्षीय मुलाचा मृत्यू
Marine Drive cleaning drive
टीम इंडियाच्या विजयी परेडनंतर मरीन ड्राईव्हवर ११ हजार किलोंचा कचरा जमा; स्वच्छता कर्मचाऱ्यांचा मात्र अनुल्लेख
Loksatta viva Love poem of the first rain messenger
पहिल्या पावसाचं प्रेमकाव्य : मेघदूत
Ayodhya Women Falls In Pothole Viral Video
अयोध्येत ८४४ कोटी खर्च करून बांधलेल्या रस्त्यावर खड्डा? ४८ वर्षीय मारिया पडल्याने होतेय भयंकर टीका, पण ही महिला आहे तरी कोण?
Crime News
१५ वर्षांपूर्वी झालेल्या महिलेच्या हत्येचं रहस्य निनावी पत्रामुळे उलगडलं, कुठे घडली घटना?
do you want to buy new car in july month
नवीन कार घेण्याचा विचार करताय? मग, या महिन्यात मार्केटमध्ये BMW सह ‘या’ आलिशान कार होणार लाँच
seven month old baby swallowed three keys the doctors of Rajawadi Hospital saved the babys life
सात महिन्याच्या बाळाने गिळल्या तीन चाव्या, राजावाडी रुग्णालयाच्या डॉक्टरांनी वाचविले बाळाचे प्राण…
Death of an infant due to open DP of Mahavitran in vasai
महावितरणाच्या उघड्या डीपी मुळे चिमुकल्याचा मृत्यू

विदर्भातील अनेक शहरांमध्ये अजूनही तापमान ४० अंश सेल्सिअस पेक्षा अधिक आहे. दरम्यान, मोसमी पावसाचा प्रवास रखडण्यामागे अरबी समुद्रातील वाऱ्यांचा वेग मंदावल्याचे कारण आहे. राज्यात आज १६जूनला तुरळक ठिकाणी वादळी वाऱ्यासह पावसाचा इशारा देण्यात आला आहे. मुंबई पुण्यासह, ठाणे, पालघर, रायगड, रत्नागिरी सिंधुदुर्गात पावसाची शक्यता वर्तवण्यात आली आहे. याशिवाय पश्चिम महाराष्ट्रातील सोलापूर, सांगली, सातारा, कोल्हापूर या भागात मेघगर्जना आणि विजांच्या कडकडाटासह मुसळधार पाऊस पडणार असल्याचा इशारा हवामान खात्याने दिला आहे. याशिवाय उत्तर कोकण, दक्षिण मध्य महाराष्ट्र आणि मराठवाड्यात विजांच्या कडकडाटासह आणि मेघगर्जनेसह मुसळधार पाऊस होऊ शकतो. विदर्भातील काही जिल्ह्यांमध्ये ढगांच्या गडगडाटासह जोरदार पावसाचा इशारा देण्यात आला आहे. या पार्श्वभूमीवर ‘येलो अलर्ट’ जारी करण्यात आला आहे. पावसाबरोबरच वादळी वारे देखील वाहणार असून वाऱ्यांचा वेग ताशी ३०-४० किलोमीटर प्रतितास असू शकतो, असे भारतीय हवामान खात्याने सांगितले आहे. दरम्यान, येत्या २४ तासांत धुळे, नंदुरबार, जळगाव, नाशिक, अहमदनगर, पुणे, कोल्हापूर या जिल्ह्यांतही पावसाचा जोर वाढेल, असे हवामान खात्याने सांगितलं आहे.