scorecardresearch

Premium

बनावट नोटांप्रकरणी राष्ट्रीय तपास यंत्रणेची यवतमाळात कारवाई; आर्णी तालुक्यातून संशयितास ताब्यात घेतले

मुंबई येथील एनआयएच्या पथकाने शनिवारी पहाटे आर्णी तालुक्यातील ब्राम्हणवाडा येथे धाड टाकली.

NIA took action fake currency chains country suspects detained Arni taluka
बनावट नोटांप्रकरणी राष्ट्रीय तपास यंत्रणेची यवतमाळात कारवाई; आर्णी तालुक्यातून संशयितास ताब्यात घेतले (प्रातिनिधिक छायाचित्र)

यवतमाळ: देशांतर्गत चालणाऱ्या बनावट नोटांचे धागेदोरे यवतमाळात असल्याच्या संशयावरून राष्ट्रीय तपास यंत्रणेने शनिवारी आर्णी तालुक्यात कारवाई केल्याने खळबळ उडाली.

मुंबई येथील एनआयएच्या पथकाने शनिवारी पहाटे आर्णी तालुक्यातील ब्राम्हणवाडा येथे धाड टाकली. तेथून उत्तम भीमराव चव्हाण याला ताब्यात घेतले. यावेळी काही महत्वाचा पुरावाही एनआयए पथकाच्या हाती लागल्याचे सांगण्यात येत आहे.

maharashtra tribal and backward people action committee demand public opinion polls on liquor ban
“गडचिरोलीतील दारूबंदीची समीक्षा का नको ?” ‘एमटीबीपीए’चा सवाल, जनमत चाचणीची मागणी
Beating_f9bb1c
अरे बापरे! ग्रामसभेतच निघाली तलवार, कुऱ्हाड अन् मग…
Male work-depression
राज्यात पुण्यातील पुरुष सर्वाधिक तणावग्रस्त! जाणून घ्या यामागील कारणे…
16 suspects detained in case of offensive message in Nandgaon taluka
नांदगाव तालुक्यात आक्षेपार्ह संदेशप्रकरणी १६ संशयित ताब्यात

हेही वाचा… विधानसभा निवडणूक निकाल, फडणवीस यांची प्रतिक्रिया म्हणाले…

एनआयएच्या दिल्ली कार्यालयातून देशभर बनावट नोटा विरोधात धाडसत्र राबविण्यात आले. चार राज्यांमध्ये छापे टाकण्यात आले. महाराष्ट्रात यवतमाळसह कोल्हापूर जिल्ह्यात धाड घालण्यात आली. कोल्हापूरमधून संशयित राहुल तानाजी पाटील याला ताब्यात घेण्यात आले. आर्णी येथे राष्ट्रीय तपास यंत्रणेला आर्णी पोलिसांनी मदत केली. याच प्रकरणात एनआयएने उत्तरप्रदेशातील शहाजापूर जिल्ह्यातून विवेक ठाकूर, आदित्य सिंग, बल्लारी जिल्ह्यातील महेंद्र यांनाही ताब्यात घेतले आहे. या नेटवर्कच्या माध्यमातून १००, ५००, २०० अशा बनावट चलनी नोटा तयार करून त्याचे देशांतर्गत वितरण केले जात होते, असा आरोप आहे. त्यावरून ही कारवाई करण्यात आली.स्थानिक पोलिसांनी ब्राम्हणवाडा येथील कारवाईबाबत दुजोरा दिला.

बनावट नोटांचा निवडणुकीत वापर?

नुकत्याच झालेल्या छत्तीसगड, तेलंगणा आदी राज्यात झालेल्या निवडणुकीत या बनावट नोटांचे वितरण केल्याचा राष्ट्रीय तपास यंत्रणेस संशय आहे. या बनावट नोटा तयार करण्यासाठी देशाच्या सीमावर्ती राज्यातून साहित्य आणले जात होते. यवतमाळ जिल्ह्यातील संशयित उत्तम चव्हाण हा इतर साथीदारांच्या मदतीने देशात या बनावट नोटा पुरवीत असावा असा संशय आहे. या प्रकरणी अधिक तपास सुरू असल्याचे एनएआयने प्रसिद्धी पत्रकातून स्पष्ट केले.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Nia took action on the fake currency chains operating within the country suspect was detained from arni taluka nrp 78 dvr

First published on: 03-12-2023 at 13:35 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×