नागपूर: चार पैकी तीन राज्यात भाजपने आघाडी घेतल्याने कार्यकर्ते आनंदीत आहेत. आज उपमुख्यमंत्री देवेंद्र फडणवीस नागपुरात आले असता त्यांनी विजयावर प्रतिक्रिया दिली.
फडणवीस यांनी मध्यप्रदेश व छत्तीसगड राज्यात प्रचारसभा घेतल्या होत्या. राज्यात सत्ता कायम राखण्यासाठी भाजपने संपूर्ण शक्ती पणाला लावली होती. नागपुरातील भाजप नेत्यांची फळी मध्यप्रदेशातील विविध मतदारसंघात तळ ठोकून होती. त्यामुळे मध्यप्रदेशमध्ये काय घडते याकडे सर्वांचे लक्ष लागले होते. ३० ते ४० जागांचे निकाल निर्णायक असतील असे सुतोवाच फडणवीस यांनी काही दिवसांपूर्वी नागपुरात केले होते.
हेही वाचा… नागपूर भाजपतर्फे आनंदोत्सवाची तयारी; दोन ठिकाणी फोडणार फटाके
मात्र भाजपने निर्णायक आघाडीकडे वाटचाल सुरू केली आहे. या पार्श्वभूमीवर फडणवीस आज नागपूर दौऱ्यावर आले असताना त्यांना पत्रकारांनी प्रतिक्रिया विचारली असता फडणवीस म्हणाले ” सध्या मी यावर प्रतिक्रिया देणार नाही, सर्व निकाल जाहीर झाल्यानंतर सविस्तर प्रतिक्रिया देणार” असे सांगितले.
