नागपूर: मुंबईतील घाटकोपरमध्ये वादळामुळे जाहिरात फलक कोसळण्याच्या घटनेमुळे राज्यभरातील उंच फलकांच्या मजबुतीची तपासणी केली जात आहे. मात्र शहरातील काही उंच इमारतींच्या छतावर सुरू असलेल्या ‘रुफ टॉप रेस्टॉरन्ट’ कडे प्रशासनाचे दुर्लक्ष झाल्याचे दिसून येत आहे.

नागपूर शहराच्या विविध भागात सध्या २० ते २२ ‘रुफ टॉप रेस्टॉरन्ट’ आहेत. त्यापैकी तर काही लोकवस्तींच्या ठिकाणी आहेत. सुत्रांनी दिलेल्या माहितीनुसार यापैकी काहींना महापालिका, अन्न औषध प्रशासन व तत्सम खात्याची परवानगी नाही. रेस्टॉरन्टमध्ये सुशोभीकरणासाठी काही ठिकाणी तात्पुर्ते शेड उभारण्यात आले आहेत. तेथे रात्रीला ग्राहकांची गर्दी होते. सध्या उन्हाळ्यातही वादळी पाऊस पडतो आहे. मुंबईप्रमाणेच नागपुरातही वादळी पाऊस आल्यास या रेस्टॉरन्टला धोका निर्माण होण्याची शक्यता आहे. आग किंवा तत्सम स्वरुपाची दुर्घटना घडल्यास आपात्कालीन स्थितीत बाहेर पडण्याची सोय काही ठिकाणी नाही. त्यामुळे महापालिकेने जाहिरात फलकांप्रमाणेच या रेस्टॉरन्टची तपासणी करावी, अशी मागणी सामाजिक कार्यकर्ते भूषण दडवे यांनी केली आहे.

MHADA Mumbai, patra chawl scheme 306 houses price hike, patra chawl scheme houses, patra chawl scheme 306 Home Winners , Maharashtra Housing and Area Development Authority,
पत्राचाळ योजनेतील ३०६ घरांच्या किमतीत वाढ? सात ते दहा लाखांनी वाढ प्रस्तावित; विजेत्यांवरील आर्थिक भार वाढणार
Dharavi, rehabilitation,
धारावीकरांच्या पुनर्वसनाला कुर्ल्यातून विरोध, ‘डीआरपीपीए’ला जागा देण्याचा शासन निर्णय त्वरित रद्द करण्याची स्थानिकांची मागणी
Nurses, Nurses Warn of Strong Protest Against New Working Hours, KEM hospital, Nair hospital, sion Hospitals, New Working Hours for nurse in bmc hospital, bmc, marathi news,
कामाच्या नव्या वेळेची जबरदस्ती केल्यास आंदोलन करू; नायर, केईएम, सायन रुग्णालयातील परिचारिकांचा प्रशासनाला इशारा
Smuggling, liquor, Goa, mango boxes,
आंब्याच्या पेट्यांमधून गोव्यातील मद्याची तस्करी; १२ लाखांचे विदेशी मद्य जप्त
Never Ignore These Changes In Your Mole On Skin Priyanka Chopra Brother in Law Kevin Jonas Skin Cancer
प्रियांका चोप्राच्या दिराला त्वचेचा कर्करोग; तीळ व चामखिळाच्या ‘या’ बदलांकडे अजिबात दुर्लक्ष करू नका, पाहा लक्षणे
nagpur, Swami Vivekananda s Statue, Ambazari Lake, Swami Vivekananda s Statue Near Ambazari Lake, Controversy Surrounds Swami Vivekananda s Statue in Nagpur, Flood Concerns, demand of removal of Swami Vivekananda,
पुतळ्याआडून कोणाचे हितरक्षण ? नागपुरात प्रशासनाच्या भूमिकेवर शंका
rebuild, Malabar Hill Reservoir,
मलबार हिल जलशयाच्या पुनर्बांधणीचा निर्णय आता आयआयटी रुरकीच्या पाहणीअंती, आधीच्या दोन अहवालातून निष्कर्ष काढण्याचे उद्दिष्ट्य
Prajwal revanna diplomatic passport
प्रज्ज्वल रेवण्णा डिप्लोमॅटिक पासपोर्टच्या बळावर देशातून फरार; हा पासपोर्ट कोणाला मिळतो?

हेही वाचा >>>जागतिक उच्च रक्तदाब दिन विशेष : ४० टक्के रुग्णांना उच्च रक्तदाबाची समस्या

दरम्यान महापालिकेच्या. तपासणी पथकाने  गुरुवारी मानकापूर, गिट्टीखादन, जरीपटका, इंदोरा, झिंगाबाई टाकळी, सदर, कोराडी नाका, राजनगर, बैरामजी टाऊन या भागातील तर दुसऱ्या पथकाने रविनगर, धरमपेठ, गोकुळपेठ, शंकरनगर, व्हेरायची चौक, महाराजबाग चौक, अमरावती रोड, रामनगर या भागातील फलकांची तपासणी केली. फलकांची उंची, महापालिकेचा परवाना, ज्या आकाराची परवानगी दिली त्या आकारात फलक आहे की नाही आणि ज्या लोखंडी कठड्यावर किंवा इमारतीवर फलक लावले आहे ते मजबूत आहे की नाही याची तपासणी केली जात आहे. ४० जाहिरात फलकांमध्ये काही त्रुटी आढळून आल्या. त्यांना लवकरच नोटीस दिली जाणार आहे.लक्ष्मीनगर चौक व कॅफे हाऊस येथील जीर्ण इमारतीवर तुषार एजन्सीने जाहिरात फलक लावले होते. त्यामुळे ते फलक काढण्यात आले.

ड्रोनव्दारे तपासणी

शहरातील अनेक भागात जाहिरात फलक उंच इमारतीवर लावण्यात आले आहेत. त्यामुळे कर्मचाऱ्यांना इमारतीवर जाऊन तपासणी करणे कठीण होत आहे. अशा जाहिरात फलकांची ड्रोनच्या माध्यमातून तपासणी केली जात आहे. गुरुवारी पाच जाहिरात फलकांची तपासणी करण्यात आली.

हेही वाचा >>>नागपूर : अल्पवयीन भाचीसह १८ वर्षाच्या मावशीवर बलात्कार, पीडितेची प्रकृती बिघडल्यामुळे उलगडा…

रेल्वेकडून विचारणा नाही

रेल्वेच्या जागेवर अनेक मोठे फलक लावण्यात आले असून त्यांना रेल्वे विभागाने मंजुरी दिली आहे. मात्र जाहिरात फलक लावताना महापालिकेची परवानगी घेतली जात नाही किंवा रेल्वेकडून विचारणा केली जात नसल्यामुळे महापालिकेचे सहायक आयुक्त मिलिंद मेश्राम यांनी नाराजी व्यक्त केली. येणाऱ्या १५ दिवसात फलकांची तपासणी केली जाणार असून जे अनधिकृत फलक आहेत त्यांच्यावर कारवाई केली जाणार असल्याचे मेश्राम यांनी सांगितले.

पाच कोटी २८ लाखांची थकबाकी

महापालिकेत ३२ एजन्सीच्या माध्यमातून जाहिरात फलक लावले गेले. त्यातील २२ एजन्सीकडे ५ कोटी २८ लाखांची थकबाकी आहे. यापूर्वी महापालिकेने थकबाकी असलेल्या एजन्सीला नोटीस दिली होती. मात्र थकबाकी भरली नाही. त्यामुळे ४ एजन्सीचे फलक काढण्यात आले.