खळबळजनक! युवती सेनेच्या शहर प्रमुख पत्नीची पतीने केली चाकू भोसकून हत्या

दरम्यान, संशयाचे भूत डोक्यात शिरलेल्या ताहेमिम याने पत्नी राहत हीची दोन मुलांसमोरच चाकूने भोसकून हत्या केली. यानंतर त्याने नदीवर जाऊन अंघोळ केली व पोलीस ठाणे गाठून आत्मसमर्पण केले. मृत राहत हीचे वडील नजद सय्यद हे प्रकृती बरी नसल्याने रुग्णालयात भरती होते. पहाटे चहा पिण्यासाठी घरी गेले असता घाबरलेल्या नातवांनी घडलेला प्रकार सांगितला. यावेळी त्यांनी वर जाऊन बघितले असता राहत रक्ताच्या थारोळ्यात पडली होती. त्यांनी तात्काळ पोलीस ठाणे गाठून पती ताहेमिमविरोधात तक्रार दाखल केली आहे.

हेही वाचा >>>यवतमाळ: पाच लाखांच्या खंडणीसाठी डोक्याला बंदूक लावली…

आरोपी जामिनावर घरी आला होता

विशेष म्हणजे मृत राहत सय्यद यांचा पती ताहेमिम शेख याला काही दिवसांपूर्वी छत्तीसगडमधल्या रायपूर येथे हरणाची शिंगे विक्री प्रकरणात अटक झाली होती. १५ दिवसांपूर्वीच तो जामिनावर सुटून आलेला होता. लग्नाआधी तो मुंबईत फुटपाथवर साहित्य विक्रीचे काम करायचा. लग्नानंतर ताहेमिम आणि राहत हे दाम्पत्य राहतच्या माहेरीच राहात होते.