नागपूर: वंचित बहुजन आघाडीच्या कार्यकर्त्यांनी बुधवारी संभाजी भिडे यांच्या विरोधात गीता मंदिर जवळ निदर्शने केली. यावेळी पोलिसांनी कार्यकर्त्यांना ताब्यात घेतले. बुधवारी सायंकाळी नागपूरमधील गीता मंदिरात संभाजी भिडे यांचा कार्यक्रम होता. त्याच्या पूर्वसंध्येला म्हणजे मंगळवारी वंचित बहुजन विकास आघाडीने भिडेंना काळे झेंडे दाखवण्याचा इशारा दिला होता.
हेही वाचा >>> अतिवृष्टीनंतर वेदनांचा पूर; नव्याने संसार उभारण्याचे आव्हान
This quiz is AI-generated and for edutainment purposes only.
२०१८ मध्ये झालेल्या भिमा -कोरेगाव दंगल प्रकरणात भिडे यांचा हात होता,असा आरोप आघाडीने केला आहे. संध्याकाळी कार्यक्रम स्थळाजवळ वंचितचे कार्यकर्ते जमले व त्यांनी भिडेंच्या विरोधात घोषणा दिल्या. पोलिसांनी त्यांना ताब्यात घेतले. त्यानंतर काही वेळाने भिडे कार्यक्रमस्थळी आले.
