नाशिक – नाशिक विभाग शिक्षक मतदारसंघाच्या निवडणुकीसाठी राज्याचे महसूलमंत्री राधाकृष्ण विखे पाटील यांचे बंधू प्रवरा आरोग्य अभिमत विद्यापीठाचे कुलपती डॉ. राजेंद्र विखे पाटील यांनी शक्ती प्रदर्शन करीत सोमवारी अपक्ष म्हणून अर्ज दाखल केला. महायुतीत ही जागा शिवसेनेकडे (शिंदे गट) आहे. डॉ. विखे हे महायुतीकडून उमेदवारी मिळवण्यासाठी प्रयत्नशील आहेत. विद्यमान सेना पुरस्कृत आमदार किशोर दराडे हे पक्षीय उमेदवारीसाठी इच्छुक नसल्याने भाजपने ही जागा शिवसेनेकडून हिसकावून घेण्याची तयारी केल्याचे दिसत आहे. सेना पुरस्कृत आमदार दराडे यांनी शिवसेनेच्या कुठल्याही गटात प्रवेश करणे टाळले आहे.

हेही वाचा >>> Lok Sabha Elections 2024 Results : नाशिकपेक्षा दिंडोरीचा निकाल लवकर – मतमोजणीसाठी यंत्रणा सज्ज

Amol Kirtikar challenge to Ravindra Waikar MP
वायकर यांच्या खासदारकीला अमोल कीर्तिकरांचे आव्हान
charulata tokas
‘या’ बड्या महिला काँग्रेस नेत्यास थेट मुख्यमंत्र्यांकडूनच विधानसभेची ऑफर…पक्षात घुसमट होत….
nana patole on congress mla cross voting
विधानपरिषद निवडणुकीत काँग्रेसची मते फुटल्याचा दावा; नाना पटोले म्हणाले, “ज्या आमदारांनी…”
Wardha Political Aspirants Emerge After Lok Sabha Results Congress Leaders Seek MLA Tickets
काँग्रेसला सुगीचे दिवस…पण, दावेदारांसोबतच डोकेदुखीही वाढली…वर्धेत तर एका नेत्याने…
sangli, r r patil, sharad pawar, Rohit patil, Tasgaon Kavathe Mahankal assembly constituency, Maharashtra assembly 2024, election 2024, sattakaran article,
तासगावमध्ये आर. आर. पाटील यांचा मुलगा रिंगणात
kerala mp suresh gopi charges for inaugration ceremony
भाजपाच्या ‘या’ खासदाराने उद्घाटन कार्यक्रमांसाठी मागितले पैसे; खासदारांच्या नोकरी-व्यवसायासंदर्भात काय आहेत नियम?
narsayya adam, narsayya adam master,
विधानसभेची उमेदवारी गृहीत धरून नरसय्या आडम यांचे ‘व्होट भी-नोट भी’ अभियान सुरू 
Sangli, Congress, Sharad Pawar group,
सांगलीत जागावाटपावरून काँग्रेस, शरद पवार गटात आतापासूनच कुरघोड्या सुरू

पक्षीय कामात व लोकसभा निवडणुकीच्या प्रचारातही ते सक्रिय न राहिल्याने शिवसेना ठाकरे गटाने काँग्रेसचे पदाधिकारी ॲड. संदीप गुळवे यांना पक्षात प्रवेश देत या मतदारसंघात त्यांची उमेदवारी निश्चित केली. सोमवारी पक्षप्रमुख उद्धव ठाकरे यांनी त्यांना एबी अर्ज दिला. महाविकास आघाडीचा उमेदवार निश्चित झाला असला तरी महायुतीत या जागेवरून शिवसेना-भाजपमध्ये रस्सीखेच सुरू आहे. लोकसभा निकालाचा कल पाहून याबाबत निर्णय होईल, असे सांगितले जाते. शिंदे गटाने आमदार दराडे यांना आपल्याकडे खेचण्याचे प्रयत्न केले होते. मात्र त्यास यश आले नाही. दराडे हे देखील लोकसभेचा अंदाज घेऊन निर्णय घेणार आहेत. मागील निवडणुकीत ते अपक्ष म्हणून मैदानात होते. आपण कुठल्याही पक्षात प्रवेश केलेला नसल्याचे ते आजही स्पष्ट करतात. त्यामुळे ते शिंदे गटात जातील की नाही, याबाबत साशंकता आहे. या एकंदर परिस्थितीत भाजपने ही जागा ताब्यात घेण्याचे नियोजन केल्याचे दिसत आहे. सोमवारी महसूलमंत्री राधाकृष्ण विखे यांचे बंधू डॉ. राजेंद्र विखे-पाटील यांनी उमेदवारी अर्ज दाखल केला. महायुतीच्या सर्व नेत्यांना आपण भेटलो. महायुतीचा उमेदवार म्हणून आपणास उमेदवारी द्यावी, अशी मागणी केली असल्याचे डॉ. राजेंद्र विखे यांनी सांगितले.