नाशिक : बसमधून मद्य तस्करी; गुजरातच्या वाहक, चालकास अटक

गुजरात राज्य परिवहन महामंडळाच्या बसमधून मद्य तस्करी करणाऱ्या चालक, वाहकाला अटक करण्यात आली आहे. स्थानिक गुन्हे शाखेच्या पथकाने नाशिक-सुरत महामार्गावर दिंडोरी परिसरात ही कारवाई केली.

Liquor Smuggling, gujarat state transport, bus, Nashik Surat Highway, dindori, Driver and conductor, Arrested,

नाशिक : बसमधून मद्य तस्करी; गुजरातच्या वाहक, चालकास अटक (संग्रहित प्रातिनिधिक छायाचित्र )

नाशिक : गुजरात राज्य परिवहन महामंडळाच्या बसमधून मद्य तस्करी करणाऱ्या चालक, वाहकाला अटक करण्यात आली आहे. स्थानिक गुन्हे शाखेच्या पथकाने नाशिक-सुरत महामार्गावर दिंडोरी परिसरात ही कारवाई केली. या कारवाईत एक लाख १४ हजार रुपयांचे विदेशी मद्य जप्त करण्यात आले.

गुजरात राज्य परिवहन महामंडळाच्या नाशिक-सुरत बसचे चालक विजय बलसार, वाहक अमृतभाई पटेल (रा. सुरत) हे बसच्या माध्यमातून मद्य तस्करी करत होते. याबाबत स्थानिक गुन्हे शाखेला माहिती मिळाली असता पथकाने नाशिक-सुरत महामार्गावर सापळा रचला.

हेही वाचा…नाशिकमध्ये भाजप-राष्ट्रवादीकडून शिंदे गटाची कोंडी

बस थांबवत तपासणी केली असता चालकाजवळील खोक्यामध्ये मद्यसाठा असल्याचे आढळले. चालक विजयची चौकशी केली असता हा मद्यसाठा पंचवटी येथील एका दुकानात देणार असल्याचे पोलिसांना सांगितले.

First published on: 19-03-2024 at 15:21 IST