Nashik District Rural Police Force Selection Test for 179 Vacant Posts of Police Constable and Driver at District Rural Police Headquarters

२० जानेवारीपर्यंत मैदानी चाचणी सुरू राहणार आहे. लेखी परीक्षा एकाच दिवशी होणार असून त्याची तारीख उमेदवारांना कळविण्यात येणार आहे.

Written by लोकसत्ता टीम

नाशिक

January 8, 2023 17:51 IST

राज्यातील ५२० हवालदार होणार पोलीस उपनिरीक्षक (संग्रहित छायाचित्र)

नाशिक जिल्हा ग्रामीण पोलीस दलातील पोलीस शिपाई आणि चालक अशा १७९ रिक्त पदांसाठी जिल्हा ग्रामीण पोलीस मुख्यालय येथे निवड चाचणी सुरू आहे. १७९ पदांसाठी २१,०४९ अर्ज प्राप्त झाले असून १०२२ उमेदवार शारीरिक मोजमाप, कागदपत्र पडताळणीत पात्र ठरल्याने त्यांच्या मैदानी चाचण्या सुरू आहेत. लेखी परीक्षा एकाच दिवशी होणार असून त्याची तारीख नंतर उमेदवारांना कळविण्यात येणार आहे.

हेही वाचा- ‘एकनाथ शिंदेंमुळे संजय राऊत खासदार’; हिंदू जनसंघर्ष मोर्चात गुलाबराव पाटील यांचा दावा

This quiz is AI-generated and for edutainment purposes only.

पोलीस शिपाई पदाची १६४, तर चालक १५ रिक्त पदे आहेत. दोन जानेवारीपासून या रिक्त पदांसाठी चाचणी सुरू आहे. चालक पदासाठी दोन हजार ११४ तर, पोलीस शिपाईसाठी १८,९३५ अर्ज प्राप्त झाले. चालक पदासाठी एक हजार २४० तर, शिपाई पदासाठी तीन हजार ४२१ उमेदवार भरती प्रक्रियेसाठी उपस्थित होते. बरेच उमेदवार चाचणीच्या आधीच मैदानावर मुक्कामी येत असल्याने अशा उमेदवारांसाठी नाशिक ग्रामीण पोलीस मुख्यालय येथे व्यवस्था करण्यात आली आहे. २० जानेवारीपर्यंत मैदानी चाचणी सुरू राहणार आहे. लेखी परीक्षा एकाच दिवशी होणार असून त्याची तारीख उमेदवारांना कळविण्यात येणार आहे. निवड चाचणी प्रक्रियेसंदर्भात काही तक्रार असल्यास ९८२२९७४२५० या क्रमांकावर संपर्क साधावा, असे आवाहन करण्यात आले आहे.

First published on: 08-01-2023 at 17:51 IST

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Nashik district rural police force selection test for 179 vacant posts of police constable and driver at district rural police headquarters dpj

नाशिक : पोलीस शिपाई, चालक भरतीसाठी एकाच दिवशी लेखी परीक्षा