नाशिक – शहरात तीन दिवसात हिट अँड रनच्या तीन घटना घडल्या असून त्यात दोन महिलांसह एका युवकाचा म़त्यू झाला आहे. वेगवेगळ्या पोलीस ठाण्यात संशयितांविरूध्द गुन्हे नोंदविण्यात आले असून एका चालकास ताब्यात घेण्यात आले आहे.

मंगळवारी रात्री नाशिक- त्र्यंबकेश्वर रस्त्यावर सरफुद्दीन अन्सारी (२२, रा. संजीवनगर, अंबड) हा शहरातील पपया नर्सरीसमोरील रस्त्यावर उभा असतांना त्याला भरधाव वाहनाची धडक बसली. या अपघातात त्याच्या डोक्याला गंभीर दुखापत झाली. जवळच्या पेट्रोल पंपाचे तुषार मरसाळे यांनी अन्सारी यास जिल्हा रुग्णालयात दाखल केले असता वैद्यकीय अधिकाऱ्यांनी मयत घोषित केले. याप्रकरणी सातपूर पोलीस ठाण्यात गुन्हा दाखल करण्यात आला. दुसरी घटना गंगापूर रस्त्याजवळील बारदान फाटा ते ध्रुवनगर रस्त्यावरील रानवारा हॉटेलजवळ घडली. एका वाहनाची धडक बसल्याने महिलेचा मृत्यू झाला. अर्चना शिंदे (३१, रा. हनुमान नगर, मोतीवाला कॉलेजजवळ, गंगापूर रोड, नाशिक) असे महिलेचे नाव आहे. अर्चना या पायी जात असतांना पाठीमागून आलेल्या वाहनाची त्यांना धडक बसली. अपघातानंतर वाहन चालक पळून गेला. गंगापूर पोलीस ठाण्याच्या वरिष्ठ निरीक्षक तृप्ती सोनवणे तसेच सहकाऱ्यांनी जखमी अर्चना यांना जिल्हा रुग्णालयात दाखल केले. वैद्यकीय अधिकाऱ्यांनी त्यांना तपासून मृत घोषित केले. या प्रकरणी गुन्हे शोध पथकाने वाहनाची माहिती घेत देवचंद तिदमे (५१, रा. ध्रुवनगर, नाशिक) यास ताब्यात घेतले. तिदमे याने मद्यप्राशन केलेले होते. त्याची वैद्यकीय अधिकाऱ्यांकडून तपासणी करुन रक्ताचे नमुने घेण्यात आले. त्याच्याविरुध्द गंगापूररोड पोलीस ठाण्यात गुन्हा दाखल करण्यात आला आहे.

Malegaon, daughters, died,
वडिलांच्या अंत्यविधीसाठी जाताना दोन मुलींसह तिघांचा अपघातात मृत्यू
Girl dies after being hit by a Citylink bus in nashik
सिटीलिंक बसच्या धडकेने बालिकेचा मृत्यू, आजोबा जखमी
Plot to sell plot in Makhmalabad area foiled due to vigilance of Deputy Registrar Sharad Davange nashik
भाषेतील फरक टिपला अन् भूखंड परस्पर विक्रीचा डाव फसला; सहदुय्यम निबंधकांची दक्षता
UPSC Chairperson Manoj Soni resigns
UPSC Chairperson Manoj Soni Resigns : यूपीएससीचे अध्यक्ष मनोज सोनी यांचा तडकाफडकी राजीनामा; पूजा खेडकर प्रकरणानंतर मोठी घडामोड
pooja khedkar ias news in marathi
IAS पूजा खेडकर यांचे कारनामे दिल्लीपर्यंत पोहोचले; थेट पंतप्रधान कार्यालयानं घातलं लक्ष, LBSNAA नंही मागवला अहवाल!
maharashtra mlc election final result list (1)
Maharashtra MLC Election Result: विधानपरिषद निवडणुकीत जयंत पाटील पराभूत; नेमकी कुणाची मतं कुणाकडे गेली?
Pune IAS officer Pooja Khedkar Photograph:
‘आयएएस’ अधिकारी की नववतनदारी?
Abhishek Singh former IAS Officer
Abhishek Singh : पूजा खेडकरांप्रमाणेच आणखी एक माजी IAS अधिकारी अपंगत्वाच्या दाखल्यावरून चर्चेत! डान्स आणि जिमच्या व्हिडीओमुळे गोत्यात?

हेही वाचा >>>नाशिकमध्ये तीन दिवसात हिट अँड रनच्या तीन घटना, दोन महिलांसह युवकाचा मृत्यू

तिसरी घटना रविवारी घडली होती. नाशिकमधील कॉलेज रोड परिसरात डॉन बॉस्को शाळा ते क्रोमा चौक दरम्यान भरधाव वाहनाची धडक बसल्याने ४९ वर्षाच्या पादचारी महिलेचा मृत्यू झाला. निधी वारे (४९, गिरीराज अपार्टमेंट, कॉलेजरोड) असे मृत महिलेचे नाव आहे. वारे या सायंकाळी भाजीपाला खरेदीसाठी गेल्या होत्या. भाजीपाला खरेदी करून पायी घराकडे परतत असताना हा अपघात झाला. क्रोमा दालन ते डॉन बॉस्को शाळा दरम्यानच्या रस्त्याने त्या जात असताना पाठीमागून भरधाव आलेल्या मालवाहू टेम्पोची त्यांना जोरदार धडक बसली. या अपघातात त्यांच्या डोक्यास गंभीर दुखापत झाल्याने त्यांचा मृत्यू झाला. अपघातानंतर चालक आपल्या वाहनासह पसार झाला. चालकाविरूध्द गंगापूररोड पोलीस ठाण्यात गुन्हा दाखल करण्यात आला आहे.

अपघाताच्या तीन प्रकरणांपैकी गंगापूर रोडजवळील बारदान फाट्यावर झालेल्या अपघातातील संशयित ताब्यात आहे. कॉलेजरोड अपघातातील संशयित चालकाची ओळख पटली असून शोध सुरू आहे. अपघातांच्या या पार्श्वभूमीवर, दारु पिऊन वाहन चालविणाऱ्यांविरोधात मोहीम सुरु करण्यात आली असून आतापर्यंत ४५ जणांविरुध्द कारवाई करण्यात आली आहे.- चंद्रकांत खांडवी (पोलीस उपआयुक्त -वाहतूक, नाशिक)