04 August 2020

News Flash

टाऊन हॉलला अवकळा

या सभागृहाकडे दुर्लक्ष होत असल्याने मद्यपींनी तेथे चांगलेच बस्तान बसवले आहे.

टाऊन हॉल

उरण नगरपालिकेने १९९६ मध्ये उभारलेल्या राजीव गांधी टाऊन हॉलला अवकळा आली असून पालिकेचे दुर्लक्षच त्यासाठी कारणीभूत आहे. या हॉलचा मद्यपींकडून सर्रास वापर होत असल्याने सभागृहाच्या वरच्या मजल्यावर रिकाम्या बाटल्यांचा खच पडला आहे. येथील वाचनालयाचीही दुरवस्था झाली असून छत कोसळण्याच्या मार्गावर आहे.

उरण नगरपालिकेने माजी पंतप्रधान राजीव गांधी यांच्या नावाने साडेनऊशे आसनक्षमता असलेले हे सभागृह बांधले आहे. या सभागृहाच्या बांधकामानंतरच हॉलचे छत कोसळले होते. त्यानंतर सभागृहाची दुरुस्ती करण्यात आली होती. मात्र तरीही छताची गळती सुरूच राहिल्याने सिलिंग कोसळू लागले आहे. त्यामुळे येथे कार्यक्रम करण्यास पालिकेने मनाई केली आहे, मात्र अनेक शासकीय कार्यक्रम येथे होत आहेत.

या सभागृहाकडे दुर्लक्ष होत असल्याने मद्यपींनी तेथे चांगलेच बस्तान बसवले आहे. जिन्याच्या पायऱ्यांवर तसेच सभागृहाच्या मागे मद्यपींचा अड्डा जमत असल्याने या भागात बाटल्यांचा खच पडला आहे. येथील मीनाताई ठाकरे वाचनालयाचीही दुरवस्था झाली असून तेथील लाद्या कमकुवत झाल्या आहेत.

या संदर्भात उरण नगरपालिकेचे मुख्याधिकारी विनोद डवले यांच्याशी संपर्क साधला असता मद्यपींना आवर घालण्यासाठी पोलिसांचे सहकार्य घेतले जाईल, असे ते म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 26, 2015 3:37 am

Web Title: uran town hall not in a good condition due to neglecting by bmc
टॅग Bmc,Uran
Next Stories
1 पनवेलची कन्या भूगोलात प्रथम
2 सिडकोची स्मार्ट सिटीची घोषणा विकासकांच्या पथ्यावर
3 ऐरोलीत रविवारी जुने खेळ रंगणार
Just Now!
X