१५० सीसीटीव्ही निरीक्षणातून अपहरणाचा छडा; ४ वर्षीय चिमुरडीची सुटका, आरोपीला अटक

मनी थॉमस असे अटक करण्यात आलेल्या आरोपीचे नाव असून तो ७४ वर्षाचा आहे. नवी मुंबईतील नेरुळ रेल्वे स्टेशन समोरील फुटपाथवर राहणाऱ्या ४ वर्षीय मुलीला खाऊचे अमिष दाखवून तिचे अपहरण करण्यात आले होते.गुन्हा नोंद झाल्यावर नेरुळ पोलिसांनी सीसीटीव्ही फुटेजवरुन आरोपीचा माग काढत त्याला करावे गावातून जेरबंद केले आहे.

आणखी वाचा-हवा प्रदूषणात उरणचा देशात पहिला नंबर

यासाठी पोलिसांनी तब्बल विविध ठिकाणी लावण्यात आलेल्या १५० पेक्षा जास्त सीसीटीव्ही फुटेजचे निरीक्षण केले. नेरुळ स्टेशन ते आरोपीचे राहते घर असा माग काढत पोलीस करावे गावात पोहचले व आरोपीस जेरबंद केले. त्या ठिकाणी आढळून आलेल्या मुलीस पोलिसांनी कायदेशीर सोपस्कार पूर्ण करून पालकांच्या स्वाधीन केले. आरोपी हा अपहरण केलेल्या मुलीला परराज्यात नेऊन विकण्याच्या तयारीत असल्याचा संशय पोलिसांकडून व्यक्त करण्यात येत आहे.