उरण एज्युकेशन विद्यालय संस्थेच्या ओळखपत्र शुल्काला भाजपचाही विरोध

उरण : आधुनिक तंत्रज्ञानाच्या नावाखाली उरण एज्युकेशन सोसायटी या नामांकित इंग्रजी माध्यमाच्या विद्यालय प्रशासनाकडून विद्यार्थ्यांच्या ओळखपत्रासाठी ५५० रुपये आकारण्यात येत आहेत. या विद्यालयाच्या मनमानी विरोधात पालकांनी जाब विचारला होता. आता उरणचे आमदार महेश बालदी आणि भाजपानेही पालकांची साथ देत याचा निषेध केला आहे. तसेच विद्यालयाने लावलेले जादाचे शुल्क पालकांनी भरू नये असे आवाहन केले आहे. तसे फलक उरणच्या बाजारात भाजपने लावले आहेत.