सहा माही परीक्षेत कॉपी केल्याच्या संशया वरून मुख्याध्यापिकेने सर्वसमक्ष झापले…. सोळा वर्षीय विद्यार्थिनीची आत्महत्या…. गुन्हा दाखल

त्या दिवशी नेमके काय घडले?

तीन तारखेला पीडित विद्यार्थिनी परीक्षेचा पेपर देऊन संध्याकाळी साडे चारच्या सुमारास  घरी आली.पेपर मराठीचा होता. त्या वेळी तिची आई कपड्यांना इस्त्री करत होती. मुलीचे डोळे रडल्या प्रमाणे लाल दिसत असल्याने काय झाले रडलीस का? अशी चौकशी तिच्या आईने केली. मात्र मोबाईल बघत असल्याचे दाखवत तिने रडली नसल्याचे सांगितले. काही वेळाने ती वरच्या माळ्यावर तिच्या खोलीत गेली. बराच वेळ झाला ती खाली न आल्याने तिला तिच्या काकूने आणि एका मैत्रिणीने जोरात आवाज दिला. मात्र प्रतिसाद मिळाला नाही. म्हणून शेवटी तिच्या खोलीचा दरवाजा वाजवला मात्र प्रतिसाद मिळाला नाही. त्यात तिने आतून कडी लावलेली असल्याने आत जाता येत नव्हते. म्हणून उपस्थित सर्वांनी मिळून दरवाजा तोडला. आत प्रवेश केला असता मुलीने बेडशीटच्या सह्याने सिलिंग फॅनला गळफास घेतल्याचे दिसून आले होते

नेमके काय म्हणाल्या मुख्याध्यापिका जे विद्यार्थिनीला एवढे लागले कि तिने आत्महत्या केली……

तीन तारखेला पीडित विद्यार्थिनी वय सोळा ही शाळेत परीक्षेसाठी गेली होती.  तिला  कॉपी करताना पकडण्यात आले. कॉपी केली म्हणून  शाळेच्या मुख्याध्यापिका  देशमुख  यांनी ” तुम्ही झोपडपट्टीवाले कधी सुधारणार नाहीत, तुमची लायकी नाही या शाळेत शिकायची, ” असे सर्वांच्या समोर अपमानास्पद व वाईट वागणुक दिली. त्यामुळे माझ्या मुलीने घरी येवुन गळफास घेवुन आत्महत्या केली आहे. त्यामुळे देशमुख मॅडम यांचे विरूध्द माझे मुलीला आत्महत्या करण्यास प्रवृत्त केल्या बद्दल तक्रार आहे. असे पोलिसांना दिलेल्या तक्रारीत नमूद करण्यात आले आहे.