उरण : यावर्षी नोव्हेंबर पर्यंत लांबलेल्या पावसामुळे वातावरणात बदल झाला आहे. परिणामी दरवर्षी ऑक्टोबर अखेर आणि नोव्हेंबरच्या पहिल्या आठवड्यात येणाऱ्या फ्लेमिंगो पक्षांचे आगमन लांबणीवर पडणार असल्याची माहीती पर्यावरणवाद्यांनी दिली आहे. हा हवामान बदल आणि नष्ट होणाऱ्या पाणथळ जागांचा परिणाम आहे.
मान्सूननंतरच्या पावसामुळे हवामानातील बदल झाला आहे. त्यामुळे यावर्षी हे पक्षी उशिरा येणार असल्याची माहीती पर्यावरणतज्ज्ञांनी दिली आहे. यात मुख्य कारण म्हणजे नवी मुंबईसह, उरण व पनवेल मधील नष्ट होणाऱ्या पाणथळ जागा याचाही परिणाम आहे.
फ्लेमिंगो हे निरोगी पर्यावरणाचे दूत आहेत. ते ज्यावेळी मोठ्या संख्येने येतात तेव्हा याचा अर्थ पाणथळ जागा जिवंत असतात. त्यामुळे त्यांचे उशिरा आगमन हा एक धोक्याचा इशारा आहे. अशी माहिती पर्यावरणवादी बी.एन. कुमार यांनी दिली आहे. तर दुसरीकडे अतिवृष्टी, भरती-ओहोटीचे पूर आणि समुद्राच्या पातळीत वाढ होण्याचा सामना करणाऱ्या किनारी शहरामधील पाणथळी सुरक्षित राहिल्या पाहिजेत.
पाणथळ जागा या हवामानाच्या दृष्टीने संरक्षणात्मक पायाभूत सुविधा आहेत. त्याचप्रमाणे फ्लेमिंगो पाणथळ जागा आरोग्य राखण्यास देखील मदत करतात. फिल्टर-फीडर म्हणून, ते सूक्ष्म शैवाल आणि लहान अपृष्ठवंशी प्राणी खातात आणि आहार देताना, गाळ हलवतात – ही प्रक्रिया बायोटर्बेशन म्हणून ओळखली जाते – जी चिखलाला ऑक्सिजन देते आणि पोषक संतुलनासही मदत करते.
पाणथळ जागा आणि ठाणे खाडीमध्ये फ्लेमिंगोची हजेरी केवळ दृश्य आकर्षणापेक्षा जास्त आहे – ती पर्यावरणीय आरोग्याचे एक प्रमुख घटक आहेत. फ्लेमिंगो हे निरोगी पर्यावरणाचे दूत आहेत. जेव्हा ते मोठ्या संख्येने येतात तेव्हा याचा अर्थ पाणथळ जागा जिवंत असतात. त्यांचे उशिरा आगमन हा एक धोक्याचा इशारा असल्याचे पर्यावरणवाद्याचे म्हणणे आहे.
फ्लेमिंगोसाठी असलेल्या पाणथळ जागा आरोग्य राखण्यास देखील मदत करतात. फिल्टर-फीडर म्हणून, ते सूक्ष्म शैवाल आणि लहान अपृष्ठवंशी प्राणी खातात आणि आहार देताना, गाळ हलवतात – ही प्रक्रिया बायोटर्बेशन म्हणून ओळखली जाते – जी चिखलाला ऑक्सिजन देते आणि पोषक संतुलनास मदत करते.
