पनवेल: पैसे उडविणा-या गिऱ्हाईकावरून बारबालांची आपसात मेकअपखोलीत धुमश्चक्री

पनवेल शहर पोलीस ठाण्याच्या हद्दीतील मुनलाईट या लेडीज सर्व्हीस बारमध्ये एका गि-हाईक पैशांची उधळण करत होता. मात्र काही वेळाने त्याने पैसे वाटण्याचे अचानक थांबवले. मनीषा शेट्टी (नाव बदललेले आहे) ही त्यावेळी गायनाच्या मजल्यावरुन मुनलाईट हॉटेलमध्ये गात होती. मनीषा हीचे गायन संपले आणि ती मेकअप खोलीत आरामासाठी गेली. यावेळी या खोलीत असणा-या रुक्साना, सोनम आणि आरोही (पुर्ण नाव माहित नाही) या तीनही महिला वेटरने मिळून मनीषा बेदम मारहाण केली.

हेही वाचा: नवी मुंबई : पोलीस आयुक्त बिपिनकुमार सिंग यांची बदली, मिलिंद भारंबे नवे पोलीस आयुक्त

या मारहाणीचे कारण गि-हाईक पैसे देण्यास तयार असताना मनीषाने पैसे न देण्याचा सल्ला का दिला होता. याचाच राग आल्याने मनीषाचा चेहरा या तीघींनी हाताच्या नखांनी ओरबडला तसेच रुक्साना हीने मनीषाच्या बोटाला चावा घेतला. या झटापटीत मनीषाची सोनसाखळी तुटली. या सर्व घडलेल्या प्रकाराची रितसर तक्रार रात्री साडेतीन वाजता पनवेल शहर पोलीस ठाण्यात जखमी मनीषाने दिली आहे.