नवी मुंबई महानगरपालिका क्षेत्रात जोरदार पाऊस

काल मध्यरात्रीपासून पावसाचा जोर वाढला असला तरी नागरिकांनी घाबरून न जाता कोणत्याही प्रकारच्या मदतीसाठी नवी मुंबई महानगरपालिकेच्या आपत्ती व्यवस्थापन कक्षाशी 022-27567060 किंवा 022-27567061 या क्रमांकावर अथवा 1800222309 / 1800222310 या टोल फ्री क्रमांकावर संपर्क साधावा असे आवाहन नवी मुंबई महापालिकेने केले आहे. शनिवार सकाळपासूनही शहरात जोरदार पाऊस सुरू असून पावसाचे सातत्य कायम आहे. दुसरीकडे आज पावसात दहीहंडी उत्सवही सुरू असून नवी मुंबई शहरातील शाळांना सुट्टी नव्हती. परंतु एकीकडे दहीहंडीचा उत्सव आणि जोरदार पाऊस यामुळे शाळांमध्ये खूप कमी प्रमाणात विद्यार्थी उपस्थित असल्याची माहिती सूत्रांनी दिली आहे.

१५ ऑगस्ट ते १६ ऑगस्ट २०२५ पर्यंत झालेला पाऊस

• बेलापूर – १४०.२०मिमी
• नेरूळ – १४६.४० मिमी
• वाशी – १३३ मिमी
• कोपरखैरणे – १७२.२०मिमी
• ऐरोली – ११३ मिमी
• दिघा – १०३.२० मिमी