scorecardresearch

आता ​तृतीय पंथीयांसाठी विशेष शौचालय; कोपरी गावात उभारणी; राज्यातील चौथा तर शहरातील पहिला उपक्रम

या ठिकाणी जवळपास ७० ते ७५ तृतीय पंथीय वास्तव्यास आहेत. त्यामुळे महापालिकेने या विशेष शौचालयाची निर्मिती केल्याने संगीता पुजारी यांनी समाधान व्यक्त केले आहे.

NMMC toilet transgenders Kopari village
तृतीय पंथीयांसाठी विशेष शौचालय (छायाचित्र- लोकसत्ता टीम)

नवी मुंबई: नवी मुंबई महानगरपालिकेच्या वतीने कोपरी गाव येथे तृतीय पंथीयांसाठी विशेष शौचालयाची उभारणी केली आहे. राज्यातील चौथा तर शहरातील पहिला उपक्रम असून मुंबई, पुणे व नागपूर पाठोपाठ आता नवी मुंबई शहरात ही अशा शौचालयाची निर्मिती केली आहे. त्यामुळे येथील तृतीय पांथियांनी समाधान व्यक्त केले आहे.

जगात स्त्री आणि पुरुष असे दोन घटक असेल तरी तृतीय पंथीय हा तिसरा घटक देखील आपले जीवन व्यतीत करत आहे. देशात तृतीय पंथियांना एक वेगळ्याच नजरेतून पाहिले जाते. त्यामुळे सामाजिक जीवनात त्यांना त्यांच्या मूलभूत गरजा भागवताना अनेक अडचणींना सामोरे जावे लागते. मात्र सन २०१४ मध्ये सर्वोच्च न्यायालयाने तृतीयपंथीयांना तृतीय लिंग म्हणून मान्यता दिली आहे. त्यामुळे त्यांना इतर घटकांप्रमाणेच सर्व मूलभूत आणि सार्वजनिक सुविधा मिळण्याचा अधिकार मिळाला आहे. असे असले तरी सार्वजनिक ठिकाणी आजही नैसर्गिक विधी करीता तृतीय पंथीयांना पुरुष शौचालयाचा आधार घ्यावा लागतो.

villagers scared roar tiger Tadgaon Forest Department alert mode
VIDEO: ताडोबातील वाघांचा करिष्मा पाहून सारेच अवाक; पर्यटकांनी रोखून धरला श्वास
ganesha modak kandi pedha mumbai, ganeshotsav mumbai sweet sellers
नैवेद्यासाठी मोदक, कंदी पेढा, बालुशाही अन् पेठाही; मुंबईकरांसाठी परगावातील व्यावसायिकांची धावपळ
violence against women maharashtra
राज्यात महिलांवरील अत्याचारात वाढ, मुंबई पहिल्या तर पुणे दुसऱ्या स्थानावर; विनयभंग, छेडखानी, कौटुंबिक हिंसाचाराची प्रकरणे
Satara riots
Satara Riots: सातारा दंगलप्रकरणी आणखी १५ जणांना कोठडी; जिल्ह्यात तिसऱ्या दिवशीही तणावपूर्ण शांतता

हेही वाचा… लिंबाच्या दरात वाढ

मात्र पुरुष शौचालयात त्यांना छेडछाड सारख्या प्रकारांना सामोरे जावे लागते. त्यामुळे तृतीय पंथीयांसाठी स्वतंत्र शौचालयाची मागणी होती. ही मागणी लक्षात घेता नवी मुंबई महानगर पालिकेच्या वतीने कोपरी गावात तृतीय पंथीयांसाठी विशेष शौचालयाची उभारणी केली आहे. या ठिकाणी जवळपास ७० ते ७५ तृतीय पंथीय वास्तव्यास आहेत. त्यामुळे महापालिकेने या विशेष शौचालयाची निर्मिती केल्याने संगीता पुजारी यांनी समाधान व्यक्त केले आहे.

तृतीय पंथीयांची गरज लक्षात घेता नवी मुंबई महानगर पालिकेच्या वतीने कोपरी गावात विशेष शौचालयाची निर्मिती केली आहे. प्राथमिक स्वरूपात याठिकाणी उभारणी करण्यात आली असून शहरात इतर ठिकाणी तृतीय पंथीयांची वस्ती पाहता इतर त्याठिकाणी देखील असे शौचालय उभारण्याचा विचाराधीन आहे. – संजय पाटील, कार्यकारी अभियंता, तुर्भे विभाग, नवी मुंबई महानगरपालिका

Latest Comment
View All Comments
Post Comment

Navimumbai News (नवी मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: On behalf of the nmmc a special toilet has been constructed for transgenders at kopari village dvr

First published on: 03-10-2023 at 17:28 IST

संबंधित बातम्या

मराठी कथा ×