News Flash

दाभोलकर हत्येचा तपास थांबिवण्यासाठी पोलिसांना धमकी

पोलीस निरीक्षक चंद्रकांत घोडके यांना तपास थांबविण्यासाठी धमकीचा मॅसेज आला आहे.

डॉ.नरेंद्र दाभोलकर

डॉ.नरेंद्र दाभोलकर यांच्या हत्येचा तपास करणारे पोलीस निरीक्षक चंद्रकांत घोडके यांना तपास थांबविण्यासाठी धमकीचा मॅसेज आला आहे. याप्रकरणी घोडके यांनी खडकी पोलीस ठाण्यात अज्ञात व्यक्तीविरुद्ध तक्रार दाखल केली असून, सीबीआयच्या पथकाने धमकी देणे, शिवीगाळ करणे इत्यादी कलमांखाली अज्ञाताविरोधात गुन्ह्याची नोंद केली आहे. दाभोलकर हत्येचा तपास थांबवला नाही, तर जीवे मारण्यात येईल, असा मॅसेज घोडके यांच्या मोबाईलवर आला होता. त्यानंतर घोडके यांनी सीबीआयच्या वरिष्ठ अधिकाऱयांना याबाबत माहिती दिली. सीबीआयमधील वरिष्ठांच्या सुचनेनुसार अज्ञाताविरोधात गुन्हा दाखल करण्यात आला असून, पुढील तपास सुरू करण्यात आला आहे. मॅसेज आलेल्या नंबरच्या आधारे संशयिताचा शोध सुरू आहे.
चंद्रकांत घोडके हे राज्य पोलीस दलातील यवतमाळचे अधिकारी आहेत. दाभोलकर यांच्या हत्येचा छडा लवकरात लवकर लागावा, यासाठी सीबीआयच्या पथकाला मदत करण्यासाठी राज्य पोलीस दलातील अधिकाऱ्यांचे पथक नियुक्त करण्यात आले आहे. त्या पथकात चंद्रकांत घोडके यांचा समावेश आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 18, 2015 8:34 am

Web Title: threatening message to police officer for stop the investigation narendra dabholkar case
टॅग : Narendra Dabholkar
Next Stories
1 पुण्यात ‘बाजीराव-मस्तानी’ला भाजपचा विरोध, ‘सिटीप्राईड’मधील आजचे शो रद्द
2 तीनशे रुपयांच्या लढय़ातून ९,६०० रुपयांची भरपाई!
3 ‘इसिस’सोबत जाण्याची तयारी केलेल्या तरुणीचे समुपदेशन
Just Now!
X