पालकांची आर्थिक लूट करणाऱ्या शाळांवर कारवाईची मागणी; रयत विद्यार्थी विचार मंचाकडून महापालिकेला निवेदन

विद्यार्थ्यांना वेठीस धरणाऱ्या तसेच मानसिक त्रास देऊन पालकांची आर्थिक लूट करणाऱ्या शाळांवर तत्काळ कारवाई करण्यात यावी, अशी मागणी रयत विद्यार्थी विचार मंच संस्थेच्या वतीने महापालिकेकडे करण्यात आली आहे. 

school
संग्रहित छायाचित्र

पिंपरी: विद्यार्थ्यांना वेठीस धरणाऱ्या तसेच मानसिक त्रास देऊन पालकांची आर्थिक लूट करणाऱ्या शाळांवर तत्काळ कारवाई करण्यात यावी, अशी मागणी रयत विद्यार्थी विचार मंच संस्थेच्या वतीने महापालिकेकडे करण्यात आली आहे. 

पिंपरी चिंचवड शहरात अनुदानित शाळांची संख्या मोठी आहे. सर्व शिक्षा अभियाना अंतर्गत विद्यार्थ्यांना मोफत व सक्तीच्या शिक्षणाचा अधिकार आहे. अनेक अनुदानित शाळांमध्ये कायद्याची पायमल्ली होत आहे. शुल्क भरले नाही म्हणून विद्यार्थ्यांचे शाळा सोडलेले दाखले, गुणपत्रिका अडवून ठेवण्यात येत आहे. विद्यार्थ्यांचे शैक्षणिक नुकसान करणाऱ्या शाळांची चौकशी करावी. आर्थिक लूट करणाऱ्या शाळांवर कायदेशीर कारवाई करावी, अशा शाळांची मान्यता रद्द करण्यात यावी, अशी मागणी संस्थेचे संस्थापक अध्यक्ष धम्मराज साळवे व प्रदेश महासचिव संतोष शिंदे यांनी शिक्षण विभागाकडे केली आहे.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Action against schools parents money statement rayat vidyarthi pune print news ysh

Next Story
“…अरे काय तो सिलिंडर, काय ती महागाई”, म्हणत गॅस दरवाढीच्या निषेधार्थ राष्ट्रवादी काँग्रेसचं आंदोलन
ताज्या बातम्या
फोटो गॅलरी