scorecardresearch

Premium

पुणे रेल्वे स्थानकाला लवकरच पर्याय! हडपसर रेल्वे टर्मिनल उभारणीला गती

पुणे रेल्वे स्थानकावरील प्रवाशांचा वाढता ताण कमी करण्यासाठी रेल्वे मंत्रालयाकडून हडपसर टर्मिनलच्या विकासावर भर देण्यात आला आहे.

peeding up construction of Hadapsar Railway Terminal
टर्मिनलचे काम पूर्ण झाल्यानंतर अनेक लांब पल्ल्याच्या गाड्या या स्थानकावरून सुटणार आहेत. (फोटो सौजन्य- लोकसत्ता टीम)

पुणे : पुणे रेल्वे स्थानकावरील प्रवाशांचा वाढता ताण कमी करण्यासाठी रेल्वे मंत्रालयाकडून हडपसर टर्मिनलच्या विकासावर भर देण्यात आला आहे. या टर्मिनलसाठी एकूण १३५ कोटी रुपयांचा निधी मंजूर करण्यात आला असून, ३० टक्के काम पूर्ण झाले आहे. या टर्मिनलचे काम पूर्ण झाल्यानंतर अनेक लांब पल्ल्याच्या गाड्या या स्थानकावरून सुटणार आहेत. त्यामुळे पुणे रेल्वे स्थानकाला उपनगरी परिसरात पर्यायी स्थानक निर्माण होणार आहे.

सध्या हडपसर टर्मिनलवरील फलाट क्रमांक १, २ आणि ३ ची लांबी वाढविण्याचे काम पूर्ण करण्यात आले आहे. याचबरोबर ११ कोटी ६९ लाख रुपयांच्या प्रवासी सुविधा उभारण्यात येत आहेत. यात सर्वसाधारण प्रतीक्षागृह, लाऊंज, ५ तिकीट आरक्षण केंद्रे, चौकशी केंद्रे, फलाटांवर ८०० मीटर लांबीचे शेड, पिण्याच्या पाण्याची व्यवस्था, सार्वजनिक उद्घोषणा व्यवस्था, प्रवाशांसाठी तीन विश्रांतीकक्ष, तिकीट तपासणीस कार्यालय आणि प्रसाधनगृह, सामान कार्यालय, पार्सल कार्यालय, रेल्वे सुरक्षा दल आणि लोहमार्ग पोलिसांसाठी कार्यालय, वीज उपकेंद्र इमारत, वाहनतळ, रस्त्यांचे रुंदीकरण ही कामे वेगाने सुरू आहेत. याचबरोबर सध्या असलेले कर्मचारी निवास पाडून त्याजागी स्थानक इमारत उभी राहत आहे.

Prime Minister Narendra Modi
पंतप्रधान मोदींकडून जम्मू-काश्मीरमधील जगातील सर्वात उंच रेल्वे प्रकल्पाला हिरवा कंदील; मार्ग, आव्हाने अन् फायदे जाणून घ्या
Transformation of 20 railway stations Prime Minister Modi will perform Bhumi Pujan tomorrow through television system
२० रेल्वे स्थानकांचा कायापालट; पंतप्रधान मोदी यांच्या हस्ते दूरदृश्य प्रणालीद्वारे उद्या भूमिपूजन
Kapote parking lot
कल्याण पश्चिम रेल्वे स्थानकाजवळील कपोते वाहनतळ वाहनांसाठी सज्ज, प्रवाशांची मागील चार वर्षांपासूनची गैरसोय दूर
Inauguration of Palghar to Gujarat phase of Dedicated Freight Corridor Project
मालगाड्यांसाठी मार्ग सुसाट; समर्पित मालवाहू रेल्वे मार्गाचे आठवडा खेरीज उद्घाटन

आणखी वाचा-प्रवांशासाठी खूशखबर! पुणे रेल्वे स्थानकाचे विस्तारीकरण सुरू

ही कामे होणार…

हडपसर टर्मिनलवर फलाटांची लांबी ६०० मीटरपर्यंत वाढविली जाणार आहे. त्यामुळे लांब पल्ल्याच्या गाड्या स्थानकावर थांबणे आणि सुटणे शक्य होणार आहे. सध्याची मालवाहतुकीच्या गाड्यांच्या मार्गाचे प्रवासी गाड्यांच्या मार्गात रुपांतर केले जाणार आहे. याचबरोबर स्थानकाची नवीन इमारत बांधली जाणार आहे. स्थानकाच्या आवारातील इतर सुविधांची उभारणी केली जाणार आहे. नवीन वाहनतळ आणि पाणी पुरवठ्यासाठी टाक्यांची उभारणी केली जाणार आहे.

सध्या पुणे स्थानकावर नवीन गाड्या सुरू करण्यास मर्यादा आहेत. हडपसर रेल्वे टर्मिनल सुरू झाल्यानंतर तिथून अनेक लांब पल्ल्याच्या गाड्या सुरू होतील. प्रवाशांसाठी अतिरिक्त सुविधा निर्माण करण्याचा यामागे हेतू आहे. -डॉ.रामदास भिसे, जनसंपर्क अधिकारी, मध्य रेल्वे

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Alternative to pune railway station soon speeding up the construction of hadapsar railway terminal pune print news stj 05 mrj

First published on: 16-09-2023 at 10:43 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×