वानवडीतील अल्पवयीन मुलीचा बालविवाह रोखला, बालकल्याण समिती आणि पोलिसांची सतर्कता

पुणे : अवघ्या चौदा वर्षांच्या मुलीचा एका प्रौढ व्यक्तीशी होणारा विवाह बालकल्याण समितीच्या स्थानिक कार्यकर्त्यांनी पोलिसांच्या मदतीने रोखला. आळंदी परिसरातील एका मंगल कार्यालयात ही घटना घडली. वानवडी परिसरात राहणाऱ्या चौदा वर्षांच्या श्वेताच्या (नाव बदललेले आहे) आईचा मृत्यू ती लहान असताना झाला होता. तिच्या वडिलांना फिट येते. त्यामुळे वडील काही काम करत नाहीत. आजारपणामुळे वडिलांनी दुसरा विवाह केला नाही. मुलीचे संगाेपन करण्याची जबाबदारी वडिलांवर आली. भीक मागून त्यांनी उदरनिर्वाह केला. अखेर त्यांनी मुलीचा विवाह लावून द्यायचे ठरवले. विवाहाचा खर्च कोण करणार, हा प्रश्न वडिलांच्या समोर होता. त्यांनी चौदा वर्षाच्या मुलीपेक्षा मोठ्या असलेल्या एका व्यक्तीशी तिचा विवाह ठरवला. त्याला दोन मुले आहेत.